ଭୁବନେଶ୍ୱର: ଆଜି ବସିଥିବା ରାଜ୍ୟ କ୍ୟାବିନେଟ୍ ବୈଠକରେ ୧୪ଟି ପ୍ରସ୍ତାବକୁ ମଞ୍ଜୁରୀ ମିଳିଛି। ବିଶେଷ କରି ଡାଲି ଓ ଡାଲି ଜାତୀୟ ଖାଦ୍ୟ ଶସ୍ୟ ଉପରୁ ଭାଟ୍ ଛାଡ ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରୀ ଦେଇଛି। ୫ରୁ ୧ ପ୍ରତିଶତକୁ ଭାଟ୍ ହ୍ରାସ୍ କରାଯିବ। ଏହା ୩ ମାସ ପାଇଁ ପରୀକ୍ଷାମୂଳକ ଭାବେ ଲାଗୁ କରାଯିବ।
ବୁର୍ଲା ମେଡିକାଲ କଲେଜ ଆଇନରେ ସଂଶୋଧନ ପ୍ରସ୍ତାବକୁ ମଧ୍ୟ କ୍ୟାବିନେଟ୍ ମୋହର ଲାଗିଛି। ଏ ନେଇ ଶୀଘ୍ର ଅଧ୍ୟାଦେଶ ଆସିବ। ବିଭିନ୍ନ ମେଡିକାଲରେ ଖାଲିଥିବା ପଦବୀ ପୂରଣ କରାଯିବ। ସବୁ ବ୍ଲକରେ ଆଦର୍ଶ ବିଦ୍ୟାଳୟ ପ୍ରତିଷ୍ଠା ନେଇ ନିଷ୍ପତ୍ତି ହୋଇଛି। ଏଥିପାଇଁ ୫ ବର୍ଷରେ ୨୬୦୦ କୋଟି ଟଙ୍କା ଖର୍ଚ୍ଚ ହେବ। ସ୍ୱାସ୍ଥ୍ୟ ବିଭାଗରେ ୫୦୦ ନୂଆ ଲିଭ୍ ଟ୍ରାନ୍ସଫର ରିଜର୍ଭ ମେଡିକାଲ ଅଫିସର ନିଯୁକ୍ତିକୁ ବି କ୍ୟାବିନେଟ୍ ମଞ୍ଜୁରୀ ମଳିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।