ଆୟତ୍ତ ହେଲା ମାରୁତି ଶୋ ରୁମ୍‌ ନିଆଁ

fireକଟକ: ନିଆଁ ଆଁରେ ଜଳିଗଲା ମାରୁତି ଶୋ ରୁମ୍‌। କଟକ-ଭୁବନେଶ୍ୱର ରାସ୍ତାର ଭାଣପୁରଠାରେ ସ୍କାଏ ଅଟୋମୋବାଇଲ୍ ନାଁରେ ଥିବା ମାରୁତି ଶୋ ରୁମ୍‌ରେ ବଡ଼ ଧରଣର ଅଗ୍ନିକାଣ୍ଡ ହୋଇଥିଲା। ୭ଟି ଦମକଳ ସହାୟତାରେ ନିଆଁକୁ ଆୟତ୍ତ କରାଯାଇଛି। ପ୍ରାୟ ୪ ଘଣ୍ଟାର ପରିଶ୍ରମ ପରେ ନିଆଁକୁ ଆୟତ୍ତ କରାଯାଇଛି। ଆଜି ସକାଳ ୬ଟାରେ ଶୋ ରୁମ୍‌ରେ  ନିଆଁ ଲାଗିଯାଇଥିଲା। କେଉଁ ପରିସ୍ଥିତିରେ ନିଆଁ ଲାଗିଲା ତାହା ଜଣାପଡ଼ିନାହିଁ।

ଶୋ ରୁମ୍‌ର ଜଣେ କର୍ମଚାରୀ କହିଛନ୍ତି,“ ଆଜି ସକାଳ ୬ଟା ୩୦ ମିନିଟ୍‌ରେ ଶୋ ରୁମ୍‌ରେ ନିଆଁ ଲାଗିଥିଲା। ଖବର ପାଇ ସଙ୍ଗେ ସଙ୍ଗେ ଏଠାକୁ ଆସିଥିଲୁ। ଏହାପରେ ଦମକଳ ବାହିନୀକୁ ଖବର ଦେଇଥିଲୁ। ବହୁ ଜିନିଷ ପୋଡ଼ି ନଷ୍ଟ ହୋଇଯାଇଛି। ସର୍ଟ ସର୍କିଟ୍‌ ଯୋଗୁଁ ନିଆଁ ଲାଗିଥିବା ସନ୍ଦେହ କରାଯାଉଛି। ପ୍ରଥମେ ତଳ ମହଲାରେ ନିଆଁ ଲାଗି ଉପର ମହଲାକୁ ବ୍ୟାପି ଯାଇଥିଲା।”

ୱାର୍କସପ୍‌ ମ୍ୟାନେଜର କହିଛନ୍ତି,“ ମୁଁ ସକାଳ ୬ଟା ୪୫ ମିନିଟ୍‌ରେ ଜାଣିବାକୁ ପାଇଲି ଶୋ ରୁମ୍‌ରେ ନିଆଁ ଲାଗିଛି। କୋଟିଏ ଟଙ୍କାରୁ ଅଧିକ ସ୍ପେୟାର ପାର୍ଟ ଥିଲା। ପ୍ରଥମେ ଗୋଟିଏ ଦମକଳ ଗାଡି ଆସିଥିଲା। ନିଆଁର ପ୍ରକୋପ ଅଧିକ ଥିବାରୁ ତାପରେ ଆଉ ୩ଟି ଦମକଳ ଗାଡି ଆସିଥିଲ।”

This website uses cookies to improve your experience. We'll assume you're ok with this, but you can opt-out if you wish. AcceptRead More