ବ୍ରହ୍ମପୁର: ଫୁଟବଲ୍ ମ୍ୟାଚ୍ ବେଳେ କନଷ୍ଟେବଲଙ୍କ ମୃତ୍ୟୁ

ବ୍ରହ୍ମପୁର: ବ୍ରହ୍ମପୁର ଷ୍ଟାଡିୟମରେ ଆଜି ଜିଲ୍ଲା ଫୁଟବଲ୍ ଲିଗ୍ ଫାଇନାଲ୍ ମ୍ୟାଚ୍ ଖେଳ ବେଳେ ଘଟିଛି ଅଘଟଣ। ମ୍ୟାଚ୍ ବେଳେ ଜଣେ କନଷ୍ଟେବଲଙ୍କର ଆକସ୍ମିକ ମୃତ୍ୟୁ ଘଟିଛି। ମୃତ କନଷ୍ଟେବଲଙ୍କ ନାଁ ଅରୁଣ କୁମାର ସାହୁ। ତାଙ୍କର ହୃଦଘାତରେ ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ସେ ବ୍ରହ୍ମପୁର ପୋଲିସ୍ ଟିମ୍ ପକ୍ଷରୁ ମ୍ୟାଚ୍ ଖେଳୁଥିଲେ। ମ୍ୟାଚ୍ ଚାଲିଥିବା ବେଳେ ଅରୁଣ ହଠାତ୍ ଅଚେତ ହୋଇ ପଡ଼ିଆରେ ପଡ଼ିଯାଇଥିଲେ। ତାଙ୍କୁ ତୁରନ୍ତ ହସପିଟାଲ୍ ନିଆଯାଇଥିଲା। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।