ଭୁବନେଶ୍ୱର: ରାଜ୍ୟରେ ଗ୍ରୀଷ୍ମ ପ୍ରବାହ ଜାରି ରହିଛି। ଆଜି ବି ୪୬ ଡିଗ୍ରୀ ସେଲସିୟସ ସହ ଟିଟିଲାଗଡ଼ ରାଜ୍ୟର ସବୁଠାରୁ ଉତ୍ତପ୍ତ ସହର ରହିଥିଲା। ଭବାନୀପାଟଣା ତାପମାତ୍ରା ୪୫.୭ ଓ ବଲାଙ୍ଗିର ୪୫.୫ ଡିଗ୍ରୀ ସେଲସିୟସ ଥିଲା। ରାଜ୍ୟର୧୦ଟି ସହରର ତାପମାତ୍ର ୪୩ ଡିଗ୍ରୀ ଉପରେ ରହିଥିଲା। ତେବେ ଗତକାଲି ଅପେକ୍ଷା ଉକକୂଳ ଓଡ଼ିଶାରେ ତାତି ସାମାନ୍ୟ ହ୍ରାସ ପାଇଛି। କଟକ, ଭୁବନେଶ୍ୱର, ପାରାଦ୍ୱୀପ, ପୁରୀ ଓ ଗୋପାଳକୁର ଆଦି ସ୍ଥାନରେ ତାପମାତ୍ରା ୪୦ ଡିଗ୍ରୀ ତଳେ ରହିଥିଲା।
ସମ୍ବଲପୁର ୪୪.୬ ଡିଗ୍ରୀ ସେଲସିୟସ ଥିବାବେଳେ ତାଳଚେର ୪୪.୫, ହୀରାକୁଦ ୪୩.୭, ଝାରସୁଗୁଡା ୪୩.୬, ମାଲକାନଗିରି ୪୩.୪, ଅନୁଗୋଳ ୪୩.୧, ବାରିପଦା ୪୨.୪, କେନ୍ଦୁଝରଗଡ଼ ୪୨.୩, ଫୁଲବାଣୀ ୪୧ ଓ ଢେଙ୍କାନାଳ ୪୦.୩ ଡିଗ୍ରୀ ରହିଥିଲା।
କଟକ ଓ ଭୁବନେଶ୍ୱରର ତାପମାତ୍ରା ଯଥାକ୍ରମେ ୩୭.୫ ଓ ୩୯.୨ ଡିଗ୍ରୀ ସେଲସିୟସ ରହିଥିଲା।
ଚାନ୍ଦବାଲି ତାପମାତ୍ରା ଆଜି ଥିଲା ୩୯.୭ ଡିଗ୍ରୀ। ସେହିପରି ବାଲେଶ୍ୱର ୩୮.୨, କୋରାପୁଟ ୩୮, ପୁରୀ ୩୧.୧, ପାରାଦ୍ୱୀପ ୩୧.୩ ଓ ଗୋପାଳପୁର ୩୦.୬ ଡିଗ୍ରୀ ସେଲସିୟସ ଥିଲା।
ଆଜି ନୟାଗଡ଼ ଓ ଢେଙ୍କାନାଳ ଜିଲ୍ଲାରେ ଦେଖା ଦେଇଥିବା କାଳବୈଶାଖୀ ବର୍ଷା ଯୋଗୁଁ ଅସହ୍ୟ ଗରମରୁ ସାମାନ୍ୟ ଆଶ୍ୱସ୍ତି ମିଳିଛି। ଅପରାହ୍ନରେ ନୟାଗଡ଼ ବ୍ଲକର କିଛି ସ୍ଥାନ ସମେତ ରଣପୁର ଓ ଓଡ଼ଗାଁ ଅଞ୍ଚଳରେ କୁଆପଥର ମାଡ଼ ଓ ଘଡ଼ଘଡ଼ି ସହ ବର୍ଷା ହୋଇଥିଲା। ନୟାଗଡ଼ ଉପକଣ୍ଠ ଜାମୁସାହିରେ ବଜ୍ରପାତରେ ୫ଟି ଗାଈର ମୃତ୍ୟୁ ଘଟିଥିବା ବେଳେ ଜଣେ ଲୋକ ଆହତ ହୋଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
