ଖରାଦିନରେ ପ୍ରାୟ ଲୋକଙ୍କର ସବୁଠୁ ବଡ଼ ସମସ୍ୟା ଥାଏ ଘିମିରି। ସାଧାରଣତଃ ଝାଳ ଅଧିକ ବୋହିଲେ ଘିମିରି ହେବାର ଆଶଙ୍କା ଅଧିକ ଥାଏ। ଏହା ବାହାରିବାର ଅନେକ କାରଣ ରହିଛି, ଯଥା ପେଟ ସଫା ନ ରହିବା, ହର୍ମୋନରେ ଅସନ୍ତୁଳ ଦେଖାଦେବା, ରକ୍ତ ବିଶୁଦ୍ଧ ନ ରହିବା, ଖାଦ୍ୟ ସନ୍ତୁଳନ ଠିକ୍ ନ ରହିବା, କୌଣସି କାରଣରୁ ଆଲର୍ଜି ହେବା ଇତ୍ୟାଦି। ତେବେ ଖରାଦିନେ ଘିମିରି ହେବା ତ’ ସ୍ୱାଭାବିକ କଥା। କିନ୍ତୁ ଏହା ଖୁବ୍ ଯନ୍ତ୍ରଣା ଦେଇଥାଏ। ତେଣୁ ଏଥିରୁ କିପରି ମୁକ୍ତି ପାଇବେ ଆସନ୍ତୁ ଜାଣିବା କିଛି ସଜହ ଉପାୟ।
୧- ଫ୍ରିଜ୍ ପାଣି ନ ପିଇ ମାଠିଆ ବା ସୁରେଇର ପାଣି ପିଅନ୍ତୁ।
୨- ଗାଧୋଇବା ପାଣିରେ ଡେଟଲ ପକାଇ ଗାଧାନ୍ତୁ।
୩- ନିମ୍ବଯୁକ୍ତ ସାବୁନ ବ୍ୟବହାର କରନ୍ତୁ ନଚେତ ପାଣିରେ ନିମ୍ବପତ୍ରକୁ ଫୁଟାଇ ସେହି ଫୁଟାପାଣି ଥଣ୍ଡା ହେଲେ ଗାଧାନ୍ତୁ।
୪-ସଫା କଟନ ଡ୍ରେସ ବା ଶାଢି ପିନ୍ଧନ୍ତୁ ।
୫- ଏକ ଚାମଚ ନଡ଼ିଆ ତେଲରେ କର୍ପୁର ମିଶାନ୍ତୁ। ଏହାକୁ ଘିମିରି ଉପରେ ଲଗାନ୍ତୁ। ୨୦ ମିନିଟ୍ ପରେ ଧୋଇ ଦିଅନ୍ତୁ। ଏହା ଦ୍ୱାରା ଘିମିରି ଯନ୍ତ୍ରଣାରୁ ଉପଶମ ମିଳିବ।
୬- ଅଧ ଚାମଚ ଚନ୍ଦନ ପାଉଡ଼ରକୁ ଏକ ଚାମଚ ଗୋଲାପ ଜଳରେ ମିଶାନ୍ତୁ। ଏହାକୁ ଘିମରି ଉପରେ ଲଗାନ୍ତୁ।
୬- ଏକ ଚାମଚ ଆଲଭେରା ଜେଲ୍ ଘିମିରି ଉପରେ ଲଗାନ୍ତୁ। ୨୦ ମିନିଟ୍ ପରେ ଧୋଇ ଦିଅନ୍ତୁ। ଏପରି ଦିନକୁ ୩ ଥର କରନ୍ତୁ। ଏହାଦ୍ୱାରା ଘିମିରି ଯନ୍ତ୍ରଣା ଦୂର ହୋଇପାରିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।