ପ୍ରେମିକା ପାଇଁ ମା’କୁ ମାରିଦେଲା ପୁଅ

ଭୁବନେଶ୍ୱର: ରାଜଧାନୀର ଖଣ୍ଡଗିରି ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ପ୍ରେମିକାକୁ ବିବାହ କରିବାକୁ କେନ୍ଦ୍ର କରି ଜଣେ ଯୁବକ ତାଙ୍କ ମା’ଙ୍କୁ ଶିଳପୁଆରେ ଛେଚି ହତ୍ୟା କରିଥିବା ଅଭିଯୋଗ ହୋଇଛି।

ମିଳିଥିବା ସୂଚନା ଅନୁଯାୟୀ ଅଭିଯୁକ୍ତ ପୁଅ ବିଜୟ ମହାରଣା ତାଙ୍କ ପ୍ରେମିକାଙ୍କୁ ବିବାହ କରିବାକୁ ଜିଦ୍‌ ଧରିଥିଲେ। ଏ ପ୍ରସ୍ତାବକୁ ତାଙ୍କ ମା’ ସୁଦସ୍ନା ମହାରଣା ରାଜି ହୋଇ ନ ଥିଲେ। ଏହାକୁ ନେଇ ବିଭିନ୍ନ ସମୟରେ ଉଭୟଙ୍କ ମଧ୍ୟରେ ବିବାଦ ଦେଖା ଦେଇଥିଲା। ଗତ ରାତିରେ ବିବାଦ ଉଗ୍ରରୂପ ନେଇଥିଲା। ସୁଦସ୍ନା ଶୋଇଥିବା ବେଳେ ବିଜୟ ଶିଳପୁଆରେ ଛେଚି ତାଙ୍କୁ ହତ୍ୟା କରିଥିଲେ। ଆଜି ଭୋରୁ ଏ ସମ୍ପର୍କରେ ସ୍ଥାନୀୟ ଲୋକେ ଜାଣିବା ପରେ ପୋଲିସକୁ ଖବର ଦେଇଥିଲେ। ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ବିଜୟଙ୍କୁ ଗିରଫ କରିଛି।