ମାଲକାନଗିରି: ମାଲକାନଗିରି ଜିଲ୍ଲାରେ ଆତଙ୍କ ଖେଳାଇଥିବା ଜାପାନିଜ୍ ଏନ୍ସେଫାଲାଇଟିସ୍ ପ୍ରକୋପ କମିବାର ନାଁ ନେଉନାହିଁ। ପ୍ରତିଷେଧକ ବ୍ୟବସ୍ଥା ସତ୍ତ୍ୱେ ଏହା ବ୍ୟାପିବାରେ ଲାଗିଛି। ଏହି ରୋଗରେ ଆଉ ୨ ଜଣଙ୍କ ମୃତ୍ୟୁ ଘଟିବା ପରେ ମୃତ୍ୟୁସଂଖ୍ୟା ୨୧କୁ ବୃଦ୍ଧି ପାଇଛି।
ଜିଲ୍ଲାର ଅଧିକାଂଶ ଗାଁକୁ ଏହି ରୋଗ ବ୍ୟାପିଛି। ଏହି ରୋଗରେ ଆକ୍ରାନ୍ତ ବହୁ ଶିଶୁ ଏବେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ସ୍ୱାସ୍ଥ୍ୟ ବିଭାଗର ଟିମ୍ ବିଭିନ୍ନ ଗାଁକୁ ଯାଇ ଚିକିତ୍ସା କରୁଥିଲେ ମଧ୍ୟ ମୃତ୍ୟୁସଂଖ୍ୟା ବଢିବାରେ ଲାଗିଛି।
ଅସ୍ୱାସ୍ଥ୍ୟକର ପରିବେଶ ଓ ମଶା କାମୁଡାରୁ ଏହି ରୋଗ ହୋଇଥାଏ। ସେ ଦୃଷ୍ଟିରୁ ଜିଲ୍ଲା ପ୍ରଶାସନ ପକ୍ଷରୁ ସଫେଇ ଓ ମଶା ନିୟନ୍ତ୍ରଣ କାର୍ଯ୍ୟକୁ ତ୍ୱରାନ୍ୱିତ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
