ଭୁବନେଶ୍ୱର: ଆଜି ରାଜ୍ୟ କାବିନେଟ୍ରେ ବହୁ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ରାଜ୍ୟରେ ମେଡ଼ିକାଲ ଶିକ୍ଷାର ଉନ୍ନତି ପାଇଁ ୪ଟି ନୂଆ ମେଡ଼ିକାଲ କଲେଜ ପାଇଁ ସ୍ୱତନ୍ତ୍ର ପ୍ରୋତ୍ସାହନ ରାଶି ଘୋଷଣା କରାଯାଇଛି। କୋରାପୁଟ୍ ଓ ବଲାଙ୍ଗିର ମେଡ଼ିକାଲ କଲେଜରେ ପ୍ରଫେସରଙ୍କୁ ଅତିରିକ୍ତ ଭାବେ ୧ ଲକ୍ଷ ୨୫ ହଜାର ଟଙ୍କା ମିଳିବ। ସେହିପରି ଆସୋସିଏଟ ପ୍ରଫେସରଙ୍କୁ ୧ ଲକ୍ଷ ଓ ଆସିଷ୍ଟାଣ୍ଟ ପ୍ରଫେସରଙ୍କ ପାଇଁ ୫୦ ହଜାର ଟଙ୍କାର ପ୍ରୋତ୍ସାହନ ରାଶି ଘୋଷଣା କରାଯାଇଛି।
ବାରିପଦା ଓ ବାଲେଶ୍ୱର ମେଡିକାଲ କଲେଜ ପାଇଁ ମଧ୍ୟ ସ୍ୱତନ୍ତ୍ର ପ୍ରୋତ୍ସାହନ ରାଶି ଘୋଷଣା କରାଯାଇଛି। ମେଡ଼ିକାଲ କଲେଜର ପ୍ରଫେସରଙ୍କୁ ଅତିରିକ୍ତ ମାସିକ ୩୫ ହଜାର ଟଙ୍କା ଅତିରିକ୍ତ ମିଳିବ। ଆସୋସିଏଟ ପ୍ରଫେସରଙ୍କୁ ୨୫ ଓ ଆସିଷ୍ଟାଣ୍ଟ ପ୍ରଫେସରଙ୍କୁ ମଧ୍ୟ ଦରମା ବ୍ୟତୀତ ୧୫ ହଜାର ଟଙ୍କା ଅତିରିକ୍ତ ମିଳିବ।
କଳିଙ୍ଗ ଶିକ୍ଷାସାଥୀ ଯୋଜନାରେ ଛାତ୍ରଛାତ୍ରୀଙ୍କୁ ଋଣ ପରିଶୋଧ କରବା ପାଇଁ ରିହାତି ଦିଆଯିବ। ୫ ବର୍ଷ ପରେ ଋଣ ପରିଶୋଧ ପାଇଁ ଅତିରିକ୍ତ ୯୦ ଦିନ ମହଲତ ଦିଆଯିବ। ଋଣ ପାଇଁ ଛାତ୍ରଛାତ୍ରୀ ୧% ସୁଧ ଦେବେ। ବାକି ସୁଧ ସରକାର ଦେବେ। ଏହାଛଡ଼ା ନଦୀ ଓ ନାଳ ଉପରେ ରେଳ ବ୍ରିଜ୍ ନିର୍ମାଣ ପାଇଁ ବାନା ପ୍ରିମିୟମରେ ଅନୁମତି ଦେବାକୁ ଆଜି କ୍ୟାବିନେଟ୍ରେ ନିଷ୍ପତ୍ତି ନିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
