ଭୁବନେଶ୍ୱର:ଦକ୍ଷିଣ-ପଶ୍ଚିମ ମୌସୁମୀ ବାୟୁ ବୁଧବାର ଆଣ୍ଡାମାନ ନିକୋବର ଛୁଇଁଛି। ଆଜି ଏହି ସୂଚନା ଦେଇଛି ଭାରତୀୟ ପାଣିପାଗ ବିଭାଗ। ଆଜି ଦକ୍ଷିଣ-ପଶ୍ଚିମ ମୌସୁମୀ ବାୟୁ ବଙ୍ଗୋପସାଗରର କିଛି ଅଂଶ, ସମ୍ପୂର୍ଣ୍ଣ ଦକ୍ଷିଣ ଆଣ୍ଡାମାନ୍ ସାଗର ଅଞ୍ଚଳ, ନିକୋବର ଦୀପପୁଞ୍ଜ ଓ ଉତ୍ତର ଆଣ୍ଡାମାନ୍ ସାଗରର କିଛି ଅଂଶକୁ ଛୁଇଁଛି। ମୌସୁମୀ ବାୟୁ ଆଗକୁ ବଢିବା ଲାଗି ଏବେ ପାଗ ଅନୁକୂଳ ରହିଛି। ତେଣୁ ଆଗାମୀ ୩ରୁ ୪ ଦିନ ମଧ୍ୟରେ ଏହା ସମ୍ପୂର୍ଣ୍ଣ ଆଣ୍ଡାମାନ ସାଗର ଅଞ୍ଚଳରେ ପ୍ରବେଶ କରିବ ବୋଲି ସୂଚନା ମିଳିଛି। ଅନ୍ୟପକ୍ଷରେ ଚଳିତବର୍ଷ ମୌସୁମୀ ବାୟୁ ସ୍ଥଳଭାଗ ଛୁଇଁବାରେ ୬ରୁ ୭ ଦିନ ବିଳମ୍ବ ହୋଇପାରେ ବୋଲି ପୂର୍ବରୁ ପାଣିପାଗ ବିଭାଗ ପୂର୍ବାନୁମାନ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
