ଭୁବନେଶ୍ୱର: ଭୁବନେଶ୍ୱର ନ୍ୟାସନାଲ ଇନ୍ଷ୍ଟିଚ୍ୟୁଟ୍ ଅଫ୍ ଫ୍ୟାଶନ୍ ଟେକ୍ନୋଲୋଜି (ଏନ୍ଆଇଏଫ୍ଟି)ରେ ପଢ଼ୁଥିବା ଜଣେ ଛାତ୍ରୀଙ୍କୁ ଅସଦାଚରଣ ଅଭିଯୋଗ ପ୍ରତିବାଦରେ ଛାତ୍ରୀମାନେ ଆଜି କିଟ୍-ଶିଖରଚଣ୍ଡୀ ରାସ୍ତା ଅବରୋଧ କରିଥିଲେ। ପରେ ଛାତ୍ରଛାତ୍ରୀମାନେ ଏନ୍ଆଇଏଫ୍ଟି କ୍ୟାମ୍ପସ୍ ଭିତରକୁ ଧସେଇ ପଶିବାକୁ ଉଦ୍ୟମ କରିବା ସହିତ ଅଭିଯୁକ୍ତଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିଲେ।
ସୁରକ୍ଷା ଦୃଷ୍ଟିରୁ କ୍ୟାମ୍ପସରେ ୮ ପ୍ଲାଟୁନ୍ ପୋଲିସ୍ ଫୋର୍ସ ମୁତୟନ କରାଯାଇଛି।
ଜଣେ ଛାତ୍ରୀ କହିଛନ୍ତି, “ଗତକାଲି ବିଳମ୍ବିତ ରାତିରେ ଜଣେ ଛାତ୍ରୀ ଚିତ୍କାର କରିବା ସହିତ ସାହାଯ୍ୟ ମାଗିଥିଲେ। ଚିତ୍କାର ଶୁଣି ଆମେ ସମ୍ପୃକ୍ତ ଛାତ୍ରୀଙ୍କୁ ସାହାଯ୍ୟ କରିବାକୁ ୱାଡେନ୍ ଓ ସୁରକ୍ଷା କର୍ମୀଙ୍କୁ ଅନୁରୋଧ କରିଥିଲୁ। କିନ୍ତୁ ୱାଡେନ୍ ଓ ସୁରକ୍ଷା କର୍ମୀ ଆମ କଥା ଶୁଣି ନ ଥିଲେ।”
ଡିସିପି ସତ୍ୟବ୍ରତ ଭୋଇ କହିଛନ୍ତି, “ପ୍ରାଥମିକ ତଦନ୍ତରୁ ଯାହା ଜଣାପଡ଼ିଛି ଛାତ୍ରୀଙ୍କ ସହିତ ଅସଦାଚରଣ ହୋଇନି। ସେ ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ଏହା ତାଙ୍କ ଇଣ୍ଟରନାଲ୍ ମାମଲା।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
