ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ଚାଷୀ ଆତ୍ମହତ୍ୟା ଅଭିଯୋଗକୁ ପୁଣି ବାଏଁ ବାଏଁ ଉଡ଼ାଇଦେଲେ ରାଜ୍ୟ ସରକାର। କଂଗ୍ରେସ ବିଧାୟକ ଭୁଜବଳ ମାଝୀଙ୍କ ଏକ ପ୍ରଶ୍ନର ଲିଖିତ ଉତ୍ତରରେ କୃଷିମନ୍ତ୍ରୀ ଦାମୋଦର ରାଉତ କହିଛନ୍ତି-“ରାଜ୍ୟରେ ଗତ ୨ ବର୍ଷ ଭିତରେ ଜଣେ ହେଲେ ଚାଷୀ ଚାଷ ଯୋଗୁଁ ଆତ୍ମହତ୍ୟା କରିନାହାନ୍ତି। ଗତ ୨୦୧୬-୨୦୧୭ ଆର୍ଥିକ ବର୍ଷରେ ରାଜ୍ୟରେ ଯଥାକ୍ରମେ ୧୧ ଓ ୭ଜଣ ଚାଷୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଏସବୁ ଅଭିଯୋଗ ଉପରେ ଜିଲ୍ଲାପାଳ ଓ ଏସ୍ପି ଯୁଗ୍ମ ତଦନ୍ତ କରିଛନ୍ତି। ତେବେ ସେଥିରେ କୌଣସି ଚାଷୀ କୃଷି ଜନିତ କାରଣରୁ ଆତ୍ମହତ୍ୟା କରି ନାହାନ୍ତି। ଆତ୍ମହତ୍ୟା ନିରାକରଣ ନିମନ୍ତେ ତାଙ୍କ ବିଭାଗ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଉଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
