ଭୁବନେଶ୍ୱର: ବିଧାନସଭାରେ ଗୃହୀତ ହେଲା ଓଡ଼ିଆ ଭାଷା ଓ ସାହିତ୍ୟ ବିଶ୍ୱବିଦ୍ୟାଳୟ ବିଲ୍। ଏଥିସହ ରାଜ୍ୟରେ ଓଡ଼ିଆ ଭାଷା ଓ ସାହିତ୍ୟ ବିଶ୍ୱବିଦ୍ୟାଳୟ ପ୍ରତିଷ୍ଠା ପାଇଁ ବାଟ ଫିଟିଲା। ଏହି ବିଶ୍ୱବିଦ୍ୟାଳୟ ଓଡ଼ିଆ ଭାଷା ଓ ସାହିତ୍ୟର ଶିକ୍ଷା ତଥା ଗବେଷଣାର ବିକାଶ ଲାଗି ସ୍ୱତନ୍ତ୍ର ଭାବେ ଉଦ୍ୟମ କରିବ। ସେହିପରି ଓଡ଼ିଆ ଲିପିକୁ ଅଧିକରୁ ଅଧିକତର କମ୍ପ୍ୟୁଟର ଉପଯୋଗୀ କରିବା, ଅତ୍ୟାଧୁନିକ ବିଜ୍ଞାନ ଓ ବୈଷୟିକ ଜ୍ଞାନକୁ ଓଡ଼ିଆରେ ପ୍ରକାଶିତ କରିବା ପାଇଁ ସକ୍ଷମ କରାଇବା ଏହି ପ୍ରସ୍ତାବିତ ବିଶ୍ୱବିଦ୍ୟାଳୟର ମୁଖ୍ୟ ଲକ୍ଷ୍ୟ ରହିବ।
ଓଡ଼ିଶାର ରାଜ୍ୟପାଳ ଏହି ବିଶ୍ୱବିଦ୍ୟାଳୟର କୁଳାଧିପତି ହେବେ। ବିଶ୍ୱବିଦ୍ୟାଳୟର ସାଧାରଣ ପରିଚାଳନା ଓ ପ୍ରଶାସନ ପାଇଁ ଏକ ବୋର୍ଡ ଗଠନ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
