ରାଉରକେଲା: ରାଉରକେଲା ଷ୍ଟିଲ ପ୍ଲାଣ୍ଟରେ ଆଜି ଦୁର୍ଘଟଣା ଘଟି ୪ ଜଣ ଶ୍ରମିକ ଗୁରୁତର ଆହତ ହୋଇଛନ୍ତି । ଆହତ ଶ୍ରମିକମାନଙ୍କୁ ଆଇଜିଏଚର ବର୍ଣ୍ଣ ସେଣ୍ଟରରେ ଭର୍ତ୍ତି କରାଯାଇଛି । ଷ୍ଟିଲ ପ୍ଲାଣ୍ଟର ୫ ନମ୍ବର ବ୍ଲାଷ୍ଟ ଫର୍ଣ୍ଣେସରେ ବିସ୍ଫୋରଣ ଘଟି ଶ୍ରମିକମାନେ ଗୁରୁତର ହୋଇଛନ୍ତି । ଇସ୍ପାତ କରାଖାନାର ଲାଡରରେ ତରଳ ଲୁହା ଯାଉଥିବା ବେଳେ ଏଥିରେ ପାଣି ପଡ଼ିଯିବାରୁ ବିସ୍ଫୋରଣ ହୋଇଥିବା କୁହାଯାଉଛି। ଫଳରେ ନିଆଁ ଖଣ୍ଡ ବାହାରକୁ ଛିଟିକି ଯାଇ ଶ୍ରମିକଙ୍କ ଉପରେ ପଡ଼ିଥିଲା। ଏନେଇ ତନାଘନା ଆରମ୍ଭ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।