ରାଉରକେଲା:ରାଉରକେଲା ଏନ୍ଆଇଟିରେ ଯୌନ ନିର୍ଯାତନା ମାମଲାର ଅନୁଧ୍ୟାନ କରୁଛନ୍ତି କେନ୍ଦ୍ର ମାନବ ବିକାଶ ମନ୍ତ୍ରଣାଳୟ ଉପ ଶାସନ ସଚିବ ରାଜେଶ ସିଂ ସୋଲାଙ୍କି। ଆଜି ସେ ପ୍ରଥମେ କ୍ୟାମ୍ପସକୁ ଯାଇ ବିଭିନ୍ନ ଗେଟ୍ରେ ଥିବା ସୁରକ୍ଷାକର୍ମୀଙ୍କୁ ଭେଟି ଆଲୋଚନା କରିଛନ୍ତି। ପରେ ସେ ପୀଡିତାଙ୍କୁ ଭେଟି ଆଲୋଚନା କରିବା ସହ ଆନ୍ଦୋଳନକୁ ଓହ୍ଲାଇଥିବା ଛାତ୍ରଛାତ୍ରୀ ଓ ଶିକ୍ଷାନୁଷ୍ଠାନ କର୍ତ୍ତୃପକ୍ଷଙ୍କ ସହ ମଧ୍ୟ କାଥାବାର୍ତ୍ତା କରିବାର କର୍ଯ୍ୟକ୍ରମ ରହିଛି।
ଗତକାଲି ଓପନ୍ ହାଉସ୍ରେ ଆଲୋଚନା ପରେ ଛାତ୍ରଛାତ୍ରୀମାନେ ଆନ୍ଦୋଳନ ପ୍ରତ୍ୟାହାର କରିଛନ୍ତି। ଏଥିସହ ପୂରା ଘଟଣାର ତଦନ୍ତ ସିନେଟ୍ କରିବ ବୋଲି ନିଷ୍ପତ୍ତି ହୋଇଛି। କ୍ୟାମ୍ପସ୍ରେ ଶାନ୍ତି ବଜାୟ ରଖିବାକୁ ପଦକ୍ଷେପ ନିଆଯାଇଥିବା ନିର୍ଦ୍ଦେଶକ କହିଛନ୍ତି।
ମହିଳା ସୁରକ୍ଷାକର୍ମୀଙ୍କୁ ମୁଖ୍ୟ ସୁରକ୍ଷା ଅଧିକାରୀ ବଳରାମ ଚମ୍ପତିରାୟ ଯୌନ ନିର୍ଯାତନା ଅଭିଯୋଗକୁ ନେଇ ଛାତ୍ର ଅଶାନ୍ତି ଦେଖାଦେଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।