ଭୁବନେଶ୍ୱର: ରେଞ୍ଜଡା ସାଇଡିଂରେ ଖଣିଜପଥର ପୋତାଯିବା ଘଟଣାକୁ ନେଇ ବିବାଦ ଦେଖା ଦେଇଛି । ଏହାକୁ ନେଇ କେନ୍ଦ୍ରମନ୍ତ୍ରୀ ଜୁଏଲ ଓରାମ ରାଜ୍ୟ ସରକାରଙ୍କୁ ଚ୍ୟାଲେଞ୍ଜ କରିଛନ୍ତି । କେନ୍ଦ୍ରମନ୍ତ୍ରୀ ଓରାମ କହିଛନ୍ତି ଖଣିଜପଥର ପୋତାଯାଇଥିବା ଅଭିଯୋଗ ଯଦି ମିଥ୍ୟା ହୋଇଥିବ ତେବେ ସେ ରାଜନୀତିରୁ ସନ୍ନ୍ୟାସ ନେଇଯିବେ । ଗୁରୁବାର କେନ୍ଦ୍ରମନ୍ତ୍ରୀ ଓରାମ କେନ୍ଦ୍ର ଖଣିମନ୍ତ୍ରୀଙ୍କୁ ଚିଠି ଲେଖି କୋଇଡା ରେଞ୍ଜଡ଼ା ରେଲୱେ ସାଇଡ଼ିଂରେ ପୋତା ହୋଇଥିବା ବହୁ କୋଟି ଟଙ୍କ।ର ବେଆଇନ୍ ଖଣିଜ ପଦାର୍ଥର ତଦନ୍ତ ପାଇଁ ଚିଠି କରିଥିଲେ । ଆଜି ଘଟଣାସ୍ଥଳରେ ରାଜ୍ୟ ଖଣି ବିଭାଗ ଟାସ୍କଫୋର୍ସ ସ୍ୱାର୍ଡର ୪ ଜଣିଆ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛି ।
ସୁନ୍ଦରଗଡ ଜିଲ୍ଲା କୋଇଡ଼ା ଅଞ୍ଚଳ ରେଞ୍ଜଡ଼ା ରେଲୱେ ସାଇଡ଼ିଂରେ ଖଣିଜପଦାର୍ଥ ପୋତା ଯାଇଥିବା ନେଇ କେନ୍ଦ୍ରମନ୍ତ୍ରୀ ଓରାମ କେନ୍ଦ୍ର ଖଣିମନ୍ତ୍ରୀ ନରେନ୍ଦ୍ର ସିଂ ତୋମାରଙ୍କୁ ଚିଠି କରିବା ସହ ଏହାର ତଦନ୍ତ ପାଇଁ ଆଇବିଏମ୍ ଅଧିକାରୀଙ୍କୁ ଘଟଣାସ୍ଥଳକୁ ପଠାଇବାକୁ ନିବେଦନ କରିଥିଲେ । ଏହି ବେଆଇନ୍ ଖଣିଜ ପଦାର୍ଥର ବର୍ତ୍ତମାନର ବଜାର ଦର ଶହେରୁ ଅଧିକ କୋଟି ଟଙ୍କ। ହେବ ବୋଲି ସେ ଚିଠିରେ ଉଲ୍ଲେଖ କରିଥିଲେ । ସେପଟେ ଖଣିଜପଦାର୍ଥ ଗଚ୍ଛିତ ଥିବା ଅଭିଯୋଗ ନେଇ ଜିଲ୍ଲାପାଳ କହିଥିଲେ ବୁଧବାର ମିଳିତ ଭାବରେ ଏହାର ଅନୁସନ୍ଧାନ କରାଯାଇଛି। ଏଥିରେ ସମ୍ପୃକ୍ତ ଖଣି ମାଫିଆଙ୍କ ବିରୋଧରେ ଆଇନ ଅନୁଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।