ଭୁବନେଶ୍ୱର: ରାଜ୍ୟ ସରକାର ସପ୍ତମ ବେତନ କମିଶନଙ୍କ ସୁପାରିଶ ଲାଗୁ କରିବେ ବୋଲି ଗତ ଶୁକ୍ରବାର ମୁଖ୍ୟମନ୍ତ୍ରୀ ଘୋଷଣା କରିବା ପରେ ଆଜି ଏନେଇ ଏକ ଫିଟ୍ମେଣ୍ଟ୍ କମିଟି ଗଠନ କରାଯାଇଛି।
ଉନ୍ନୟନ କମିଶନର ଆର. ବାଲକ୍ରିଷ୍ଣନଙ୍କ ଅଧ୍ୟକ୍ଷତାରେ ୬ ଜଣିଆ ଫିଟ୍ମେଣ୍ଟ୍ କମିଟି ଗଠନ କରାଯାଇଛି। ଏଥିରେ ଅର୍ଥ ସଚିବ ତୁହିନକାନ୍ତ ପାଣ୍ଡେ, ଗୃହ ସଚିବ ଅସିତ ତ୍ରିପାଠୀ, ଜଙ୍ଗଲ ଓ ପରିବେଶ ସଚିବ ସୁରେଶ ମହାପାତ୍ର, ଅର୍ଥ ବିଭାଗ ସ୍ୱତନ୍ତ୍ର ସଚିବ ଏ.କେ ମୀନା ଓ ଅଶ୍ୱିନୀ ମିଶ୍ର ପ୍ରମୁଖ ସଦସ୍ୟ ରହିଛନ୍ତି।
୪ ମାସ ମଧ୍ୟରେ ଏହି କମିଟି ସରକାରଙ୍କୁ ରିପୋର୍ଟ ପ୍ରଦାନ କରିବ। ସପ୍ତମ ବେତନ କମିଶନଙ୍କ ସୁପାରିଶ ଲାଗୁ କରିବା ପାଇଁ ନିୟମାବଳୀ ଓ ପେ-ସ୍କେଲ୍ ଆଦି ପ୍ରସଙ୍ଗରେ ରିପୋର୍ଟ ପ୍ରଦାନ କରିବ ଏହି କମିଟି।
ରାଜ୍ୟ ସରକାର ସପ୍ତମ ବେତନ କମିଶନଙ୍କ ସୁପାରିଶ ଲାଗୁ କଲେ ରାଜ୍ୟର ୪ ଲକ୍ଷ ସରକାରୀ କର୍ମଚାରୀ ଏବଂ ୩ ଲକ୍ଷ ପେନସନ୍ଭୋଗୀ ଉପକୃତ ହେବେ। ବର୍ତ୍ତମାନ ଦରମା ଓ ପେନ୍ସନ୍ ବାବଦକୁ ବର୍ଷକୁ ରାଜ୍ୟ ସରକାର ୨୯,୮୩୬ କୋଟି ଟଙ୍କା ପ୍ରଦାନ କରୁଛନ୍ତି। ସପ୍ତମ ବେତନ କମିଶନ ଲାଗୁ ହେଲେ ବର୍ଷକୁ ଏବାବଦକୁ ୫,୫୦୦ କୋଟିର ଅତିରିକ୍ତ ବୋଝ ପଡ଼ିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
