ଭବାନୀପାଟଣା: କଳାହାଣ୍ଡି ଜିଲ୍ଲା ଥୁଆମୂଳରାମପୁର ଥାନା ଟେଭାକଲମ ଗାଁରେ ବିରୁଡ଼ି ଆକ୍ରମଣରେ ଦୁଇଜଣ ଶିଶୁଙ୍କ ସମେତ ୩ ଜଣଙ୍କ ମୃତ୍ୟୁ ଘଟିଛି। ଏହି ଘଟଣାରେ ଦୁଇଜଣ ଆହତ ହୋଇଛନ୍ତି। ଆହତମାନଙ୍କୁ ଥୁଆମୂଳରାମପୁର ଡାକ୍ତରଖାନାରେ ଭର୍ତ୍ତି କରାଯାଇଛି।
ଖବର ଅନୁସାରେ ଟେଭାକଲମ ଗାଁର ସୋମବାରୁ ପରଭୋଇ, ତାଙ୍କ ପତ୍ନୀ ଓ ମାଆ ପୋଡ଼ୁଚାଷ ପାଇଁ ନିକଟସ୍ଥ ଜଙ୍ଗଲକୁ ଯାଇଥିଲେ। ସାଙ୍ଗରେ ସୋମବାରୁଙ୍କ ୮ ବର୍ଷର ଝିଅ ଓ ଦେଢ ବର୍ଷର ପୁଅ ମଧ୍ୟ ଯାଇଥିଲେ। ଜଙ୍ଗଲରୁ ଫେରିବା ବେଳେ ହଠାତ ସେମାନଙ୍କୁ ବିରୁଡି ଆକ୍ରମଣ କରିଥିଲା। ଘଟଣା ସ୍ଥଳରେ ସୋମବାରୁଙ୍କ ମାଆ ଓ ଦୁଇ ପିଲାଙ୍କର ମୃତ୍ୟୁ ଘଟିଥିଲା। ବିରୁଡି ଆକ୍ରମଣରେ ସୋମବାରୁ ଏବଂ ତାଙ୍କ ପତ୍ନୀ ଗୁରୁତର ଆହତ ହୋଇଛନ୍ତି। ଉଭୟଙ୍କୁ ଥୁଆମୂଳରାମପୁର ଡାକ୍ତରଖାନାରେ ଭର୍ତ୍ତି କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।