ଭୁବନେଶ୍ୱର: ଆଜି ଓଡିଶା ଆସୁଛନ୍ତି ରେଳମନ୍ତ୍ରୀ ସୁରେଶ ପ୍ରଭୁ। ଏହି ଗସ୍ତ ଅବସରରେ ସେ ଖୋର୍ଦ୍ଧା ରୋଡ୍-ରାଜସୁନାଖଳା ପାସେଞ୍ଜର ଟ୍ରେନ ଓ ରାଉରକେଲା-ଭୁବନେଶ୍ୱର ରାଜ୍ୟରାଣୀ ଏକ୍ସପ୍ରେସର ଗୁଣୁପୁର ଯାଏଁ ସମ୍ପ୍ରସାରଣକୁ ଉଦ୍ଘାଟନ କରିବେ। ପୂର୍ବରୁ ଏହି ରେଳପଥରେ ଖୋର୍ଦ୍ଧା ଟାଉନ୍-ବେଗୁନିଆ- ରାଜସୁନାଖଳାକୁ ଟ୍ରେନ୍ ଚଳାଚଳ କରୁଥିବା ବେଳେ ବର୍ତ୍ତମାନ ଏହା ବୋଲଗଡ଼କୁ ଛୁଇଁବ।
ଆଜି ଅପରାହ୍ନରେ ଭିଡିଓକନ୍ଫରେସିଂ ମାଧ୍ୟମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ରେଳମନ୍ତ୍ରୀ ପ୍ରଭୁ ମିଳିତ ଭାବେ ଏହାକୁ ଲୋକାର୍ପଣ କରିବେ। ଏହାପରେ ବୋଲଗଡ଼ଠାରେ ରଣପୁର ଓ ବେଗୁନିଆ ବିଧାୟକ ପତାକା ଦେଖାଇ ରେଳସେବାର ଶୁଭାରମ୍ଭ କରିବେ। ଏହାସହ ପ୍ରଭୁ ରାଉରକେଲା-ଭୁବନେଶ୍ୱର ରାଜ୍ୟରାଣୀ ଏକ୍ସପ୍ରେସକୁ ଗୁଣପୁର ଯାଏଁ ସମ୍ପ୍ରସାରଣକୁ ମଧ୍ୟ ଉଦ୍ଘାଟନ କରିବେ। ପରେ ଖୋର୍ଦ୍ଧାରୋଡ୍ ବାଇପାସ, ରାଉରକେଲା-ବନ୍ଧମୁଣ୍ଡା ଚତୁର୍ଥ ଲାଇନ୍, ଜଗତପୁରଠାରେ ପ୍ରଶିକ୍ଷଣ କେନ୍ଦ୍ର ଆଦିର ଭିତ୍ତିପ୍ରସ୍ତର ସ୍ଥାପନ କରିବାର କାର୍ଯ୍ୟକ୍ରମ ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
