ଯାଜପୁର: ଯାଜପୁର ଜିଲ୍ଲା ବ୍ୟାସନଗର ପୌରାଧ୍ୟକ୍ଷା ସବିତା ରାଉତଙ୍କ ବିରୁଦ୍ଧରେ ଆସିଥିବା ଅନାସ୍ଥା ଖାରଜ ହୋଇଯାଇଛି। ସବିତା ରାଉତ ତାଙ୍କ ପଦ ବଜାୟ ରଖିଛନ୍ତି। ଏହା ସହିତ ବିଜେଡିକୁ ଆଶ୍ୱସ୍ତି ମିଳିଛି।
ଆଜି ଅନାସ୍ଥା ଭୋଟ୍ ଦେବାକୁ କଂଗ୍ରେସର ୯ କାଉନ୍ସିଲର ଆସିଥିଲେ। ତେବେ ବିଜେଡିର କୌଣସି କାଉନ୍ସିଲର ଭୋଟ୍ ଦେବାକୁ ଆସି ନ ଥିଲେ। ଅନାସ୍ଥା ଭୋଟ୍ରେ ଭୋଟ୍ ନ ଦେବାକୁ ଗତକାଲି ଦଳ ପକ୍ଷରୁ ହ୍ୱିପ୍ ଜାରି କରାଯାଇଥିଲା। ଦଳୀୟ ନିର୍ଦ୍ଦେଶ ଅମାନ୍ୟ କଲେ ଦୃଢ଼ କାର୍ଯ୍ୟାନୁଷ୍ଠାନ ଚେତାବନୀ ଦିଆଯାଇଥିଲା।
ଗତ ୧୭ ତାରିଖରେ କଂଗ୍ରେସର ୮ ଏବଂ ଜଣେ ସ୍ୱାଧୀନ କାଉନସିଲର ପୌରାଧ୍ୟକ୍ଷାଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଥିଲେ। ଅନାସ୍ଥା ଭୋଟରେ ଉପସ୍ଥିତ ରହିବାକୁ କଂଗ୍ରେସ ହ୍ୱିପ୍ ଜାରି କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।