ମସରତର ଗିରଫ ପ୍ରତିବାଦରେ ଜମ୍ମୁ ଓ କାଶ୍ମୀର ବନ୍ଦ

ଶ୍ରୀନଗର: ପାକିସ୍ତାନ ପତାକା ଉଡ଼ାଇ ଓ ଭାରତ ବିରୋଧୀ ସ୍ଲୋଗାନ ଦେଇ ବିଚ୍ଛିନ୍ନତାବାଦୀ ନେତା ମସରତ ଆଲମ ଗିରଫ ହେବାର ଦିନକ ପରେ ଶନିବାର ହୁରିୟତ କନଫରେନ୍ସ ଅଧ୍ୟକ୍ଷ ସୟିକ ଅଲ୍ଲି ଶାହ ଗୀଲାନି ରାଜ୍ୟରେ ବନ୍ଦ ଡାକରା ଦେଇଛନ୍ତି। ମସରତଙ୍କ ଗିରଫଦାରୀ ଓ ଚଳିତ ସପ୍ତାହ ପ୍ରାରମ୍ଭରେ ତ୍ରାଲରେ ସେନା ଗୁଳିରେ ଦୁଇ ଯୁବକଙ୍କ ମୃତୁ୍ୟ ଘଟଣାର ପ୍ରତିବାଦରେ ସେ ଦେଇଛନ୍ତି ଏହି ବନ୍ଦ ଡାକରା। ଅନ୍ୟପକ୍ଷରେ କେନ୍ଦ୍ରମନ୍ତ୍ରୀ ତଥା ଭାଜପା ନେତା ଜିତେନ୍ଦ୍ର ସିଂହ କହିଛନ୍ତି ଯେ ରାଜ୍ୟ ସରକାର ଯେକୌଣସି ସ୍ଥିତିକୁ ମୁକାବିଲ କରିବାକୁ ପ୍ରସ୍ତୁତ ଅଛନ୍ତି। ଏଣୁ ସାଧାରଣ ଲୋକଙ୍କର ଭୟ କରିବାର କିଛି ନାହିଁ। ଅନ୍ୟ ଜଣେ ଭାଜପା ନେତା ଜିଭିଏଲ ନରସିଂହ ରାଓ କହିଛନ୍ତି ଯେ ଉଭୟ କେନ୍ଦ୍ର ଓ ରାଜ୍ୟ ସରକାର ସ୍ଥିତି ଉପରେ ନଜର ରଖିଛନ୍ତି। ବିଚ୍ଛିନ୍ନତାବାଦୀ ନେତାମାନେ କୌଣସି ପ୍ରକାରେ ଆଇନକୁ ହାତକୁ ନେଲେ ତା’ର ଠିକଣା ଜବାବ ଦେବା ପାଇଁ ସରକାର ପ୍ରସ୍ତୁତ ରହିଛନ୍ତି।

ଶୁକ୍ରବାର ସକାଳେ ମସରତ ଆଲମକୁ ତା’ଘରୁ ଗିରଫ କରାଯାଇଥିଲା। ତା’ପୂର୍ବରୁ ଗୁରୁବାର ରାତିରୁ ତାକୁ ତ୍ରାଲ ର୍ୟାଲିରେ ସାମିଲ ନକରାଇ ଦେବା ଲାଗି ଗୃହବନ୍ଦୀ କରି ରଖାଯାଇଥିଲା। ଗତକାଲି ଗିରଫ ପରେ ତା’ବିରୁଦ୍ଧରେ ୫ଟି ଦଫା ଲଗାଯାଇଥିଲା। ତେବେ ଦେଶଦ୍ରୋହୀ ମାମଲା ରୁଜୁ କରାଯାଇନଥିଲା। କିନ୍ତୁ ପରେ ତା’ବିରୁଦ୍ଧରେ ଧାରା ୧୨ ଏ (ଦେଶ ବିରୁଦ୍ଧରେ ଯୁଦ୍ଧ ଘୋଷଣା) ରେ ମାମଲା ରୁଜୁ କରାଯାଇଥିଲା। ଅନ୍ୟପକ୍ଷରେ ଗତକାଲି ଅନ୍ୟତମ ବିଚ୍ଛିନ୍ନତାବାଦୀ ନେତା ମିରୱାଇଜଙ୍କ ନେତୃତ୍ୱରେ ବାହରିଥିବା ତ୍ରାଲ ର୍ୟାଲି ବେଳେ ହିଂସାକାଣ୍ଡ ଘଟି ୧୪ ଜଣ ଆହତ ହୋଇଥିଲେ। ବିକ୍ଷୋଭକାରୀମାନେ ପଥର ଫୋପାଡ଼ିବାରୁ ଏମାନେ ଆହତ ହୋଇଥିଲେ। କିଛି ପୁଲିସ କର୍ମଚାରୀ ମଧ୍ୟ ଆହତ ହୋଇଥିଲେ। ବିକ୍ଷୋଭକାରୀଙ୍କୁ ରୋକିବାକୁ ପୁଲିସକୁ ଲାଠିଚାର୍ଜ ସହିତ ଲୁହବୁହା ଗ୍ୟାସ ପ୍ରୟୋଗ କରିବାକୁ ପଡ଼ିଥିଲା।

ଆହୁରି ପଢ଼ନ୍ତୁ

ସୁରକ୍ଷାକର୍ମୀଙ୍କ ଗୁଳିରେ ୨ ଆତଙ୍କୀ ସଫା, ଯବାନ ଆହତ

ସଞ୍ଜୟ ରାଉତ-ଫଡନାଭିସ ଆଲୋଚନାର ଇଫେକ୍ଟ: ଉଦ୍ଧବ ଓ ଶରଦ ପାୱାରଙ୍କ ରୁଦ୍ଧଦ୍ୱାର ବୈଠକ

କୋଇଲା ଖଣିରେ ଭୟଙ୍କର ଦୁର୍ଘଟଣା: ୧୬ ମୃତ

ବିରୋଧ ସତ୍ତ୍ୱେ କେନ୍ଦ୍ରର ନୂଆ କୃଷି ବିଲ୍‌କୁ ରାଷ୍ଟ୍ରପତିଙ୍କ ଅନୁମୋଦନ

କୃଷି ବିଲ୍‌କୁ ପାସ୍‌ କରିବା ବେଳେ ରାଜ୍ୟସଭାର ନିୟମ ଭାଙ୍ଗିଥିଲେ କି ଉପାଧ୍ୟକ୍ଷ?

ନାବାଳିକା ଭଉଣୀକୁ ୮ ବର୍ଷ ଧରି ଦୁଷ୍କର୍ମ କରୁଥିଲା ଭାଇ, ଆଉ ମା’…

ଆତଙ୍କୀ କାର୍ଯ୍ୟକଳାପର କେନ୍ଦ୍ରସ୍ଥଳ ପାଲଟିଛି ବେଙ୍ଗାଲୁରୁ: ବିଜେପି ସାଂସଦ

ଦୁବାଇ ଓ ବ୍ରିଟେନରୁ ଆସିଥିବା ଲୋକଙ୍କ ପାଇଁ ଭାରତରେ ବଢ଼ିଥିଲା କରୋନା!

ନୀତୀଶ କୁମାରଙ୍କ ଦଳରେ ମିଶିଲେ ଗୁପ୍ତେଶ୍ୱର ପାଣ୍ଡେ

ଚୋରା ଚାଲାଣର ପର୍ଦ୍ଦାଫାସ: ୩ କୋଟି ଟଙ୍କାର ହାତ ଘଣ୍ଟା ଜବତ

ରବି କିଶନଙ୍କୁ ମିଳୁଛି ହତ୍ୟା ଧମକ!

ଲଦାଖରେ ମୁତୟନ ହେଲା ଟ୍ୟାଙ୍କ, ବିଯୁକ୍ତ ୪୦ ଡିଗ୍ରୀରେ ବି ଦେଖାଇବ ପରାକ୍ରମ