ଭୁବନେଶ୍ୱର: ଆଜିଠାରୁ ଆରମ୍ଭ ହେବ ବିଧାନସଭାର ବଜେଟ ଅଧିବେଶନ। ପ୍ରଥମ ପର୍ଯ୍ୟାୟ ଅଧିବେଶନ ମାର୍ଚ୍ଚ ୪ତାରିଖ ପର୍ଯ୍ୟନ୍ତ ଚାଲିବ। ଦ୍ୱିତୀୟ ପର୍ଯ୍ୟାୟ ୧୪ ମାର୍ଚ୍ଚରୁ ଆରମ୍ଭ ହୋଇ ଏପ୍ରିଲ ୭ ତାରିଖ ପର୍ଯ୍ୟନ୍ତ ଚାଲିବ। ଫେବୃଆରୀ ୨୭ରେ ବଜେଟ୍ ଉପସ୍ଥାପନ ହେବ। ଆଜି ରାଜ୍ୟପାଳଙ୍କ ଅଭିଭାଷଣରୁ ଆରମ୍ଭ ହେବ ଅଧିବେଶନ।
ଏଥର ଅଧିବେଶନରେ ଅନୁଭୂତ ହେବ ପଞ୍ଚାୟତ ନିର୍ବାଚନର ତାତି। ନିର୍ବାଚନରେ ସରକାରୀ କଳର ଅପବ୍ୟବହାର ଓ ପ୍ରଚରୁ ଖର୍ଚ୍ଚକୁ ମୁଖ୍ୟ ଅସ୍ତ୍ର କରିବ କଂଗ୍ରେସ। ଆଇନଶୃଙ୍ଖଳା ବ୍ୟବସ୍ଥା ବିପର୍ଯ୍ୟସ୍ଥ ଓ ନିର୍ବାଚନରେ ରାଜନୈତିକ ହିଂସାକୁ ପ୍ରସଙ୍ଗ କରି ସରକାରଙ୍କୁ ଟାର୍ଗେଟ କରିବ ବିଜେପି। କେନ୍ଦ୍ର ଅବହେଳାକୁ ଇସ୍ୟୁ କରିବ ବିଜେଡି । ଆଜି ସବୁ ଦଳର ବୈଠକ ବସି ଚୂଡ଼ାନ୍ତ ରଣନୀତି ପ୍ରସ୍ତୁତ ହେବ।
ଅନ୍ୟପକ୍ଷରେ ବିଧାନସଭାର ବଜେଟ ଅଧିବେଶନ ପାଇଁ ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ପୋଲିସ୍ ଡିଜି, ଗୁଇନ୍ଦା ନିର୍ଦ୍ଦେଶକ ଓ ପୋଲିସ୍ କମିଶନର ପ୍ରମୁଖ ବ୍ୟବସ୍ଥାର ସମୀକ୍ଷା କରିଛନ୍ତି। ଅଧିବେଶନ ବେଳେ ୩୧ ପ୍ଲାଟୁନ ଫୋର୍ସ ମୁତୟନ କରାଯିବ। ସେହିଭଳି କୁଇକ୍ ରିଆକସନ୍ ଟିମ୍ ଓ ରୁଫ୍ ଟଫ୍ ସିକ୍ୟୁରିଟି ମଧ୍ୟ ନିୟୋଜିତ ହୋଇଛନ୍ତି। ଭୁବନେଶ୍ୱର ଡିସିପି ସୁରକ୍ଷା ବ୍ୟବସ୍ଥାର ଇନଚାର୍ଜ ଥିବା ବେଳେ ୫ଜଣ ଅତିରିକ୍ତ ଏସିପି ଏବଂ ୧୦୦ ଜଣ ଅଫିସର ମଧ୍ୟ ସୁରକ୍ଷା ବ୍ୟବସ୍ଥାର ଉପରେ ନଜର ରଖିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
