ଝାରସୁଗୁଡ଼ା: ଝାରସୁଗୁଡ଼ା ଜିଲ୍ଲା ବେହେରାମାଲ ଛକରେ ଆଜି ସକାଳେ ଟ୍ରକ୍ ଧକ୍କାରେ ଜଣେ ୧୩ ବର୍ଷ ବାଳିକାର ମୃତ୍ୟୁ ଘଟିଛି। ତାଙ୍କ ନାଁ ପ୍ରୀତିମୟୀ ପଟେଲ। ପ୍ରୀତି ବାପା ଓ ମା’ଙ୍କ ସହ ବାଇକ୍ରେ ଝାରସୁଗୁଡ଼ାରୁ ସିରିଆପାଲିକୁ ଯାଉଥିଲେ। ତେବେ ବାଇକ୍ଟି ଭାରସାମ୍ୟ ହରାଇ ତଳେ ପଡ଼ି ଯିବାରୁ ଏକ ଟ୍ରକ୍ ତାଙ୍କୁ ଚାପି ଦେଇଥିଲା। ଫଳରେ ଘଟଣାସ୍ଥଳରେ ତାଙ୍କ ମୃତ୍ୟୁ ଘଟିଛି।
ପ୍ରୀତିଙ୍କ ବାପା ଓ ମା’ ଆହତ ହୋଇ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। କ୍ଷତି ପୂରଣ ଦାବିରେ ସ୍ଥାନୀୟ ଲୋକେ ଟ୍ରକକୁ ଅଟକ ରଖି ରାସ୍ତା ଅବରୋଧ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।