ଚଳନ୍ତା ଟ୍ରେନ୍‌ରୁ ଯବାନଙ୍କୁ ଠେଲିଦେଲେ ଟିଟିଇ, କଟିଗଲା ଗୋଡ଼

Train

Train

Tapas Behera
  • Published: Friday, 18 November 2022
  • Updated: 18 November 2022, 12:18 PM IST

Sports

Latest News

ଲକ୍ଷ୍ନୌ: ଚଳନ୍ତା ଟ୍ରେନ୍‌ରୁ ସେନାର ଜଣେ ଯବାନଙ୍କୁ ଟିଟିଇ ଠେଲି ଦେଲେ। ଫଳରେ ତାଙ୍କ ଗୋଡ଼ କଟିଯାଇଛି। ଦିବ୍ରୁଗଡ଼-ନୂଆ ଦିଲ୍ଲୀ ରାଜଧାନୀ ଏକ୍ସପ୍ରେସରେ ଗତକାଲି ଏହି ଘଟଣା ଘଟିଛି। ଟିକେଟକୁ ନେଇ ଯୁକ୍ତିତର୍କ ହେବାରୁ ଟିଟିଇ ସମ୍ପୃକ୍ତ ଯବାନଙ୍କୁ ଠେଲି ଦେଇଥିଲେ। ଯବାନ ଜଣକ ଏବେ ମେଡିକାଲରେ ଚିକିତ୍ସିତ ହେଉଛନ୍ତି। ଯବାନ ଜଣକ ତାଙ୍କ ଗୋଡ଼ ହରାଇଛନ୍ତି। ସେ ହେଉଛନ୍ତି ସୋନୁ।  ବରେଲି ଜଙ୍କସନ ରେଳ ଷ୍ଟେସନର ପ୍ଲାଟଫର୍ମ ନମ୍ବର ୨ରେ ତାଙ୍କୁ ଠେଲି ଦିଆଯାଇଥିବା ସୋନୁ ଅଭିଯୋଗ କରିଛନ୍ତି ।

ଚଳନ୍ତା ଟ୍ରେନରୁ ଠେଲିଥିବା ଟିଟିଇ ସୁପାନ୍ ବୋରଙ୍କ ବିରୋଧରେ ହତ୍ୟା ଉଦ୍ୟମ ମାମଲା ରୁଜୁ ହୋଇଛି।  ଉତ୍ତର ରେଳ ଅଧୀନରେ ଥିବା ମୋରଦାବାଦ ଡିଭିଜନର ସିନିୟର ଫାଇନାନ୍ସ ମ୍ୟାନେଜର ସୁଧୀର ସିଂ କହିଛନ୍ତି ଯେ, ଆମେ ସିସିଟିଭି ଫୁଟେଜକୁ ଯାଞ୍ଚ କରୁଛୁ । ରେଳ ଅଧିକାରୀଙ୍କ ଅନୁଯାୟୀ, ଟିକେଟକୁ  ନେଇ ଟିଟିଇ ଏବଂ ସୋନୁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଏଥିରେ କ୍ରୋଧିତ ହୋଇ ଟିଟିଇ ସୁନୋଙ୍କୁ ଟ୍ରେନ୍ ତଳାକୁ ଠେଲିଦେଇଥିଲେ।  ଜଣେ ଅଧିକାରୀ କହିଛନ୍ତି, "ତାଙ୍କୁ ତୁରନ୍ତ ସେନା ହସପିଟାଲ ନିଆଯାଇଥିଲା।

ସେ ଦୁଇ ଗୋଡ ହରାଇଛନ୍ତି ଏବଂ ତାଙ୍କ ଅବସ୍ଥା ଗୁରୁତର ରହିଛି। ସରକାରୀ ରେଳ ପୁଲିସ ଷ୍ଟେସନ ହାଉସ ଅଧିକାରୀ ଅଜିତ ପ୍ରତାପ ସିଂ କହିଛନ୍ତି, ଭାରତୀୟ ଦଣ୍ଡ ସଂହିତା (ହତ୍ୟା ଉଦ୍ୟମ)ର ଧାରା ୩୦୭ ଅନୁଯାୟୀ ଟିଟିଇଙ୍କ ବିରୋଧରେ ମକଦ୍ଦମା ରୁଜୁ କରାଯାଇଛି। ସେ ଏବେ ଫେରାର ଅଛନ୍ତି। ତାଙ୍କୁ ଗିରଫ ପାଇଁ ଉଦ୍ୟମ ଜାରି ରହିଛି। ଏହି ଘଟଣା ପରେ କିଛି ଯାତ୍ରୀ ଟିଟିଇଙ୍କୁ ପିଟିଥିବା ଜଣାପଡ଼ିଛି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories