ରେଢ଼ାଖୋଲ ବ୍ଲକ୍ ସହକାରୀ ଯନ୍ତ୍ରୀଙ୍କ ଘରେ ଭିଜିଲାନ୍ସ ଚଢ଼ାଉ

sambalpur-vizilance

shyamsunder-majhiସମ୍ବଲପୁର: ଆୟ ବହିର୍ଭୂତ ସଂପତ୍ତି ଠୁଳ ଅଭିଯୋଗରେ ଆଜି ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଲକ୍ ସହକାରୀ ଯନ୍ତ୍ରୀ ଶ୍ୟାମସୁନ୍ଦର ମାଝିଙ୍କ ଘରେ ଭିଜିଲାନ୍ସ ଚଢ଼ାଉ କରିଛି। ସମ୍ବଲପୁର ଜିଲ୍ଲା ଭିଜିଲାନ୍ସ ପକ୍ଷରୁ ଏହି ଚଢ଼ାଉ କରାଯାଇଛି। ସମ୍ବଲପୁରର ଟାଙ୍ଗରପାଲି ସ୍ଥିତ ତାଙ୍କ ଘର, ରେଢ଼ାଖୋଲ ସ୍ଥିତ ଅଫିସ୍, ଝାରସୁଗୁଡ଼ା ଜିଲ୍ଲାର କୁମାରବନ୍ଧ ସ୍ଥିତ ତାଙ୍କ ପୈତୃକ ଘର ଓ ସୁନ୍ଦରଗଡ଼ ଜିଲ୍ଲାର ମୁଣ୍ଡାଗାଁ ସ୍ଥିତ ତାଙ୍କ ଶ୍ୱଶୁରଙ୍କ ଘରେ ଏକକାଳୀନ ଚଢ଼ାଉ କରାଯାଇଛି ବୋଲି ସମ୍ବଲପୁର ଜିଲ୍ଲା ଭିଜିଲାନ୍ସର ଡିଏସ୍‌ପି କହିଛନ୍ତି। ସମ୍ବଲପୁରର ଟାଙ୍ଗରପାଲି ସ୍ଥିତ ଦୁଇ ମହଲା ଘରଟି ତାଙ୍କ ସ୍ତ୍ରୀଙ୍କ ନାଁରେ ରହିଛି। ଏହି ଘରେ ତାଙ୍କର ଗୋଟିଏ ବୋଲେରୋ ଗାଡ଼ି ସହିତ ତିନିଟି ବାଇକ୍ ଠାବ କରାଯାଇଛି। ବୋଲେରୋ ଓ ଦୁଇଟି ବାଇକ୍ ତାଙ୍କ ପତ୍ନୀଙ୍କ ନାମରେ ରହିଛି। ତେବେ ସମସ୍ତ ସ୍ଥାନରେ ଚଢ଼ାଉ ଶେଷ ହେବା ପରେ ଯାଇ ତାଙ୍କର ପ୍ରକୃତ ସଂପତ୍ତି ସଂପର୍କରେ ତଥ୍ୟ ଜଣାପଡ଼ିବ ବୋଲି ଭିଜିଲାନ୍ସ ଡିଏସ୍‌ପି କହିଛନ୍ତି।

Previous ArticleNext Article

Send this to a friend