ଏବେବି କମିନି ସଲ୍ଲୁ ମିଆଁଙ୍କ ପ୍ରେମ: ବରଫରେ ଆଙ୍କିଲେ କ୍ୟାଟ୍ରିନାଙ୍କ ଛବି, ଦେଖନ୍ତୁ ଭିଡିଓ

ଭୁବନେଶ୍ୱର (ଓଡ଼ିଶା ରିପୋର୍ଟର): ସଲମାନ୍ ଓ କ୍ୟାଟ୍ରିନାଙ୍କ ଯୋଡ଼ି ବିଷୟରେ ଆପଣ ନିଶ୍ଚିତ ଅବଗତ ଥିବେ। ଗୋଟେ ସମୟରେ ଭାଇଜାନ୍ ଓ କ୍ୟାଟ୍ରିନାଙ୍କ ଲଭ୍ ଷ୍ଟୋରୀକୁ ନେଇ ସାରା ବଲିଉଡରେ ଚର୍ଚ୍ଚା ଚାଲିଥିଲା ପୁରା ବି-ଟାଉନ୍‌ରେ ଖେଳିଯାଇଥିଲା ଏହି ଦୁଇ ଲଭ୍-ବାର୍ଡ଼ଙ୍କ ପ୍ରେମ କାହାଣୀ। ହେଲେ ଦୁଃଖର ବିଷୟ ଏହି ସମ୍ପର୍କ ଅଧିକ ଦିନ ତିଷ୍ଟି ପାରି ନ ଥିଲା। ଅବଶ୍ୟ ସେଲିବ୍ରେଟିଙ୍କ ଲାଇଫ୍‌ରେ ସମ୍ପର୍କ ଭାଙ୍ଗିବା ଏବଂ ଯୋଡ଼ିବା କିଛି ନୂଆ କଥା ନୁହଁ। ତଥାପି ସତକଥା ହେଲା ଉଭୟଙ୍କ ମଧ୍ୟରେ ଭଲ ପାଇବାଟା ଅତି ନିବିଡ଼ ଥିଲା।  ବୋଧ ହୁଏ ଏହି କାରଣରୁ ଭାଇଜାନ୍‌ଙ୍କ ସମ୍ପର୍କ ଉପରେ  କାହା  ନଜର ଲାଗିଯାଇଥିଲା।  କିଛି ଦିନ ଏକାଠି ରହିବା ପରେ ସେମାନଙ୍କର ବ୍ରେକଅପ୍ ହୋଇଯାଇଥିଲା।

 

ଏହା ପରେ କ୍ୟାଟ୍ରିନା ରଣବୀର କପୁରଙ୍କ ଆଡ଼କୁ ଢଳିଥିଲେ।  ଏପରି କି ରଣବୀରଙ୍କ ମା’ ନିତୁ କପୁର  ମଧ୍ୟ ସେମାନଙ୍କ ସମ୍ପର୍କକୁ ଗ୍ରୀନ୍ ସିଗନାଲ୍ ଦେଇ ଥିଲେ। ହେଲେ ଆଗଥର ପରି ଏଥର ବି କ୍ୟାଟ୍ରିନାଙ୍କ ଲଭ୍ ଷ୍ଟୋରୀ  ଅଧା ରହିଗଲା। କୌଣସି କାରଣକୁ ନେଇ ରଣବୀରଙ୍କ ସହ ମଧ୍ୟ ସମ୍ପର୍କରେ ଭଟ୍ଟା ପଡ଼ିଗଲା। ଉଭୟେ ଉଭୟଙ୍କ ଠାରୁ ଦୂରେଇ ଗଲେ। ହେଲେ ପୁଣିଥରେ ସଲମାନ୍  କ୍ୟାଟ୍ରିନାଙ୍କ ନିକଟତର ହେବା ଶୁଣିବାକୁ ମିଳୁଛି। ଚର୍ଚ୍ଚା ହେଉଛି ସଲମାନ ଓ କ୍ୟାଟ୍ରିନା ପୁଣି ଥରେ ଏକାଠି ହୋଇଯାଇଛନ୍ତି ବୋଲି। ଏହାର ସବୁଠୁ ବଡ଼ ପ୍ରମାଣ ହେଉଛି ସଲମାନ୍‌ ବରଫରେ ଆଙ୍କିଥିବା କ୍ୟାଟ୍ରିନାଙ୍କ ଛବି। କ’ଣ ପାଇଁ ସଲମାନ୍ କ୍ୟାଟ୍ରିନାଙ୍କ ଛବି ଆଙ୍କିଛନ୍ତି? ସଲମାନ କ’ଣ ପୁଣିଥରେ କ୍ୟାଟ୍ରିନାଙ୍କ ସହ ପ୍ୟାଚ୍ଅପ୍ କରିଛନ୍ତି? ନା  ଆଜି ବି ତାଙ୍କ ମନରେ କ୍ୟାଟ୍ରିନାଙ୍କ ପାଇଁ ଭଲପାଇବା ଅଛି ବୋଲି ତାଙ୍କୁ ଜଣାଇବାକୁ  ଏପରି କରିଛନ୍ତି। ଏମିତି ଅନେକ କିଛି ପ୍ରଶ୍ନ ଆପଣଙ୍କ ମନରେ ଆସୁଥିବ। ତେବେ ଆସନ୍ତୁ ଜାଣିବା ଏହି ଛବି ପଛର ରହସ୍ୟ କ’ଣ।  ବାସ୍ତବ କଥାଟି ହେଉଛି, ଏହା ସଲମାନ୍ ଓ କ୍ୟାଟ୍ରିନାଙ୍କ ଅପକମିଂ ଫିଲ୍ମ ‘ଟାଇଗର ଜିନ୍ଦା ହୈ’ର ଏକ ଗୀତ ଭିତରେ ଥିବା ସିକ୍ୱେନ୍ସ୍। ଗୀତଟିର ନାଁ ହେଉଛି, ‘ଦିଲ୍ ଦିୟାଁ ଗଲ୍ଲାଁ’। ଏହି ଗୀତଟି ଏକ ବରଫ ପାହାଡ଼ ଉପରେ ସୁଟିଂ କରାଯାଇଛି। ଗୀତରେ ଏକ ସିକ୍ୱେନ୍ସ୍‌ରେ ଦେଖାଯାଇଛି ଯେ ବରଫର ଚଟାଣରେ ସଲମାନ୍ କ୍ୟାଟ୍ରିନାଙ୍କ ଏକ ରଙ୍ଗିନ୍ ଫଟୋ ଆଙ୍କୁଛନ୍ତି। ଏହି ସିନ୍‌ଟି ବେଶ୍ ଆକର୍ଷଣୀୟ ହୋଇଛି। ଫଟୋଟି ମଧ୍ୟ ଅନେକ ଆକର୍ଷଣୀୟ ଦିଶୁଛି। ଆପଣଙ୍କୁ ଜଣେଇଦେବାକୁ ଚାହୁଁଛୁ ଯେ ଏହି ଗୀତଟିକୁ କ୍ୟାଟ୍ରିନା ଗତକାଲି ଘରୋଇ ଟିଭି ଚାନେଲ କଲରସ୍‌ରେ ପ୍ରସାରିତ ହେଉଥିବା ରିଅଲିଟି ସୋ ‘ବିଗ୍ ବସ୍‌’ରେ ଲଞ୍ଚ୍ କରିଥିଲେ। ଏହି ଫିଲ୍ମଟି ଆସନ୍ତା ଡିସେମ୍ବର୨୨ ତାରିଖରେ ରିଲିଜ୍ ହେବ। ଏହି ଗୀତଟି ଦେଖିବା ପରେ ଫିଲ୍ମରେ ଦୁହିଁଙ୍କର କେମେଷ୍ଟ୍ରି ଦେଖିବାକୁ ଲୋକେ ବେଶ୍ ଉତ୍ସୁକ ଅଛନ୍ତି।

 

Previous ArticleNext Article

Send this to a friend