ଅନ୍ତର୍ଜାତୀୟ ସ୍ତରରେ ଗୀତ ଗାଇବାକୁ ଶ୍ରଦ୍ଧାଙ୍କ ମନ

shraddha-kapoor

ମୁମ୍ବାଇ: ‘ରକ୍‌ ଅନ୍‌-୨’ ଜଣେ ଗାୟିକା ଭୂମିକାରେ ଅଭିନୟ କରିଛନ୍ତି ଶ୍ରଦ୍ଧା କପୁର। ସେ ନିଜେ ଗୀତ ଗାଆନ୍ତି ବୋଲି ସମସ୍ତେ ଜାଣନ୍ତି। କିନ୍ତୁ ସେ ଗୀତ ଲେଖନ୍ତି ବୋଲି ବହୁତ କମ୍ ଲୋକ ଜାଣିଥିବେ। ଗ୍ଲାମର ବଦଳରେ ଅଭିନୟ ପାଇଁ ଲୋକେ ତାଙ୍କୁ ଅଧିକ ଜାଣନ୍ତୁ ବୋଲି ଚାହାଁନ୍ତି ଶ୍ରଦ୍ଧା। ତା’ସହିତ ପ୍ରିୟଙ୍କା ଚୋପ୍ରାଙ୍କ ଭଳି ଅନ୍ତର୍ଜାତୀୟ ସ୍ତରରେ ଗୀତ ଗାଇବାକୁ ବି ତାଙ୍କର ଖୁବ୍ ଇଚ୍ଛା ଅଛି। ତେବେ ଉଚିତ୍‌ ସମୟରେ ସେ ଅନ୍ତର୍ଜାତୀୟ ସ୍ତରରେ ଗୀତ ଗାଇବାରେ ଡେବ୍ୟୁ କରିବେ ବୋଲି କହିଛନ୍ତି।

 ‘ରକ୍ ଅନ୍ ୨’ ନେଇ ଖୁବ୍ ଉତ୍ସାହିତ ଅଛନ୍ତି ଶ୍ରଦ୍ଧା। ସେ କହିଛନ୍ତି,“ରକ୍ ଅନ୍ ଫିଲ୍ମ ମୋତେ ଖୁବ୍ ଭଲ ଲାଗିଥିଲା। ଏହାର ସ୍ୱିକେଲ୍ ହେଲେ ସେଥିରେ ନିଶ୍ଚିତ କାମ କରିବା ପାଇଁ ମୁଁ ସ୍ଥିର କରିଥିଲି। ଯେତେବେଳେ ଜାଣିଲି ‘ରକ୍ ଅନ୍ ୨’ ନିର୍ମାଣ ହେବ ମୁଁ ରିତେଶ ସିଧୱାନୀଙ୍କୁ ଭେଟିଲି ଓ ଏଥିରେ କାମ କରିବା ପାଇଁ ମୋ ଇଚ୍ଛା ଜାହିର କଲି। ମୁଁ ’ରକ୍ ଅନ୍’ ବଡ଼ ପ୍ରଶଂସକ। ଏହାର ସ୍ୱିକେଲ୍‌ରେ କାମ କରିବା ନେଇ ମୋ ସ୍ୱପ୍ନ ସତ ହୋଇଛି।”

Previous ArticleNext Article

Send this to a friend