୧୬ ବର୍ଷ ତଳେ ଏମିତି ହୋଇଥିଲା ସଂସଦ ଆକ୍ରମଣ, ଦେଖନ୍ତୁ ଭିଡିଓ

Saheed image

ନୂଆଦିଲ୍ଲୀ: ଦେଶର ଗଣତନ୍ତ୍ରର ମନ୍ଦିର କୁହାଯାଉଥିବା ସଂସଦ ଆକ୍ରମଣକୁ ଆଜି ୧୬ ବର୍ଷ ପୁରିଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉପରାଷ୍ଟ୍ରପତି ଭେଙ୍କୟା ନାଇଡୁ ସଂଶଦର ସୁରକ୍ଷା ପାଇଁ ସେଦିନ ପ୍ରାଣବଳୀ ଦେଇଥିବା ସୁରକ୍ଷାକର୍ମୀଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜଣାଇଛନ୍ତି । ଏହି ଅବସରରେ ପାର୍ଲାମେଣ୍ଟ ପରିସରରେ ଆୟୋଜିତ ସ୍ମୃତି ସଭାରେ କେନ୍ଦ୍ରମନ୍ତ୍ରୀ ମଣ୍ଡଳର ପ୍ରାୟ ସମସ୍ତ ମନ୍ତ୍ରୀ ଯୋଗ ଦେଇଥିଲେ ।

ଏଥିସହ କଂଗ୍ରେସ ନବ ନିର୍ବାଚିତ ଅଧ୍ୟକ୍ଷ ରାହୁଲ ଗାନ୍ଧି, ସୋନିଆ ଗାନ୍ଧି, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ସମେତ ଅନ୍ୟ ସାଂସଦ ମାନେ ମଧ୍ୟ ଯୋଗ ଦେଇଥିଲେ।  ୨୦୦୧ ଡିସେମ୍ବର୧୩ ତାରିଖରେ ଆତଙ୍କବାଦୀମାନେ ସଂସଦ ଉପରେ ଅତର୍କିତ ଆକ୍ରମଣ କରିଥିଲେ। ଆତଙ୍କବାଦୀ ଫେକ୍ ପାସ୍ ଜରିଆରେ କାର୍ ଯୋଗେ ସଂସଦ ମଧ୍ୟକୁ ପ୍ରବେଶ କରିଥିଲେ । ଏହି ଆକ୍ରମଣରେ ଜଣେ ମହିଳାଙ୍କ ସମେତ ୮ଜଣ ଯବାନ ସହିଦ ହୋଇଥିଲେ।

୧୮ରୁ ଅଧିକ ଆହତ ହୋଇଥିଲେ। ୫ଜଣ ଆତଙ୍କବାଦୀଙ୍କୁ ଭାରତୀୟ ଯବାନମାନେ ନିପାତ କରିଥିଲେ। ଲସ୍କର ଇ ତୋଇବା ଏବଂ ଜୈସ ଏ ମହମ୍ମଦ ଏହି ଆକ୍ରମଣ ମାଷ୍ଟର ମାଇଣ୍ଡ ଥିଲେ। ଯାହାକୁ ପରୋକ୍ଷ ଭାବେ ପାକିସ୍ତାନୀ ଗୁପ୍ତଚର ସଂସ୍ଥା ଆଇଏସ୍ଆଇ ସମର୍ଥନ କରିଥିଲା। ଏହି ମାମଲାରେ ସୁପ୍ରିମକୋର୍ଟ ୨୦୦୫ ଅଗଷ୍ଟ ୪ ତାରିଖରେ ମୁଖ୍ୟ ଅଭିଯୁକ୍ତ ଅଫଜଲ୍ ଗୁରୁକୁ ଦୋଷୀ ସାବ୍ୟସ୍ତ କରିଥିଲେ ।୨୦୧୩ ଫେବୃଆରୀ ୯ରେ ଅଫଜଲଙ୍କୁ  କଡ଼ା ସୁରକ୍ଷା ମଧ୍ୟରେ ଦିଲ୍ଲୀ ତିହାର ଜେଲ୍‌ରେ ଫାଶୀ ଦିଆଯାଇଥିଲା।

 

Previous ArticleNext Article

Send this to a friend