ନିଛାଟିଆ ଜାଗାରୁ ଧରା ପଡ଼ିଲେ

Lonely

ଆସିକା: ରାତି ଅଧରେ ନିଛାଟିଆ ଜାଗାରେ ଏକାଠି ହୋଇଥିଲେ। କରୁଥିଲେ ଯୋଜନା। କାହା ଘରେ ପଶିବେ, କେମିତି ଲୁଟିବେ- ସେ ସବୁ ନେଇ ଚାଲିଥିଲା ଆଲୋଚନା। ହେଲେ ସେମାନେ ଜାଣି ନଥିଲେ ପୋଲିସ୍‌କୁ ମିଳିସାରିଛି ସୂଚନା। ଯୋଜନା କାର୍ଯ୍ୟକାରୀ ହେବା ପୂର୍ବରୁ ପଡ଼ିଗଲେ ଧରା। ଘଟଣାଟି ଘଟିଛି ଗଞ୍ଜାମ ଜିଲ୍ଲା ଆସିକାରେ।

ଆସିକା କଲେଜ ଛକ ନିକଟସ୍ଥ ଏକ ନିଛାଟିଆ ସ୍ଥାନରେ ଗତକାଲି ଚାରି ଜଣ ଡକାୟତ ଡକାୟତି ଯୋଜନା କରୁଥିବା ବେଳେ ପୋଲିସ୍‌ ହାତରେ ଧରା ପଡ଼ିଛନ୍ତି। ସେମାନଙ୍କଠାରୁ ୨ଟି ପିସ୍ତଲ, ୨ଟି ବୋମା ଓ ୨ଟି ନମ୍ବର ବିହୀନ ବାଇକ୍ ଜବତ କରିଛି ପୋଲିସ୍।

ଗିରଫ ଡକାୟତମାନେ ହେଲେ ସୁନୀଲ ରେଡ୍ଡୀ, ଶିବା ରେଡ୍ଡୀ, ଚନ୍ଦନ ଜେନା ଓ ଆର. ନାହାକ। ପୋଲିସ୍ ସେମାନଙ୍କୁ କୋର୍ଟ ଚାଲାଣ କରିଛି।

Previous ArticleNext Article

Send this to a friend