ରାତିଅଧରେ ଟ୍ରକ୍‌ ପଛରେ ପିଟି ହେଲା ପିକନିକ୍‌ ବସ୍‌, ସ୍କୁଲ ପିଲା ଆହତ

bus

ଭୁବନେଶ୍ୱର (ଓଡ଼ିଶା ରିପୋର୍ଟର):  ଭୁବନେଶ୍ୱର ସିଆରପି ଫ୍ଲାଏ ଓଭର ଉପରେ ଏକ ସ୍କୁଲ ପିକନିକ୍ ବସ୍ ଗତକାଲି ରାତି ପ୍ରାୟ ୨ଟା ୩୦ରେ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ବସର ଡ୍ରାଇଭର ଓ ହେଲପର ସମେତ ପ୍ରାୟ୧୫ଜଣ ଛାତ୍ରଛାତ୍ରୀ ଆହତ ହୋଇଛନ୍ତି। ସମସ୍ତଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି। କିଛି ଛାତ୍ରଛାତ୍ରୀଙ୍କ ମୁଣ୍ଡ, ହାତ ଓ ନାକରେ ଆଘାତ ଲାଗିଛି।

ପିକନିକ୍ ବସଟି ବାଣପୁରରୁ କପିଳାସ ଯାଉଥିଲା। ସିଆରପି ଫ୍ଲାଏ ଓଭର ଉପରେ ବିଳମ୍ବିତ ରାତିରେ ଆରଟିଓ ଚେକିଙ୍ଗ ଚାଲିଥିଲା। ଆଗରେ ଯାଉଥିବା ଏକ ଟ୍ରକ ହଠାତ୍ ବ୍ରେକ୍ ମାରିଦେବାରୁ ପଛରେ ଯାଉଥିବା ଏହି ବସଟି ଟ୍ରକକୁ ପଛରୁ ପିଟିଥିଲା। ବସ୍‌ରେ ୪୦ ଜଣ ସ୍କୁଲ ଛାତ୍ରଛାତ୍ରୀ ଥିଲେ।

ଆହତ ଛାତ୍ର ପ୍ରକାଶ  ରଣସିଂ କହିଛନ୍ତି,-“ ସମସ୍ତ ସ୍କୁଲପିଲା ଆମେ କପିଳାସ ପିକନିକ୍‌ ପାଇଁ ଯାଉଥିଲୁ। ଗତକାଲି ବିଳମ୍ବିତ ରାତିରେ ଏହି ଦୁର୍ଘଟଣା ଘଟିଥିଲା।”

Previous ArticleNext Article

Send this to a friend