ପୁଣି ୯ ପ୍ରାଣ ନେଲା ବଜ୍ରପାତ, ସ୍କୁଲ ଉପରେ ପଡ଼ିଲା

ଆଠଗଡ଼/ଭୁବନେଶ୍ୱର: ପୁଣି ବଜ୍ରପାତ ନେଲା ୯ ଜୀବନ। ଆଠଗଡ଼ରେ ଏକ ସ୍କୁଲ ଉପରେ ବଜ୍ରପାତ ହେବାରୁ ୮ ଜଣ ଛାତ୍ର ଗୁରୁତର ଆହତ ହୋଇଛନ୍ତି। ସେମାନଙ୍କୁ ମେଡ଼ିକାଲରେ ଭର୍ତ୍ତି କରାଯାଇଛି। ସେହିପରି ରାଜ୍ୟର ବିଭିନ୍ନ ପ୍ରାନ୍ତରେ ହୋଇଥିବା ବଜ୍ରପାତରେ ଅନେକ ଆହତ ହୋଇଥିବା ଜଣାପଡ଼ିଛି।

ଆଜି ରାସରସିକପୁର ୟୁଜିଏମ୍‌ଇ ସ୍କୁଲରେ ପାଠ ପଢ଼ା ଚାଲିଥିଲା। ହଠାତ ବଜ୍ରପାତ ହେବାରୁ ଶ୍ରେଣୀରେ ପାଠ ପଢ଼ୁଥିବା ୮ ଜଣ ପିଲା ଆହତ ହୋଇଥିଲେ। ସେମାନଙ୍କୁ ଆଠଗଡ଼ ଚିକିତ୍ସାଳୟରେ ଭର୍ତ୍ତି କରାଯାଇଛି। ସେହିପରି ବାଙ୍କୀ ଥାନା କଦଳୀମଡ଼ି ଗାଁର ସନ୍ତୋଷ ରାଉତ, ଦୋରଡ ଗାଁର ହାଡିବନ୍ଧୁ ସାହୁ ଓ ସଦର ଥାନା ମାଣିପୁର ଗାଁର ଅଶୋକ ବିଶ୍ୱାଳଙ୍କ ମୃତ୍ୟୁ ଘଟିଛି। ନିଶ୍ଚିନ୍ତକୋଇଲି ବ୍ଲକ ତେନ୍ତଲପୁରରେ ସ୍ୱାମୀ ମୃତ, ସ୍ତ୍ରୀ ଗୁରୁତର ହୋଇଛନ୍ତି। ସ୍ଥାନୀୟ ଲୋକେ ତାଙ୍କୁ ମେଡ଼ିକାଲରେ ଭର୍ତ୍ତି କରିଛନ୍ତି।

ଖୋର୍ଦ୍ଧା ଜିଲ୍ଲା ଝିଙ୍କିଝାରି ଗାଁରେ ୧୪ ବର୍ଷ ବାଳକର ବଜ୍ରପାତରେ ମୃତ୍ୟୁ ଘଟିଥିବା ବେଳେ ମୟୂରଭଞ୍ଜ ଜିଲ୍ଲା ବଡ଼ସାହି ବ୍ଲକ ଆରପଟା ଗାଁର ଜଣଙ୍କର ମୃତ୍ୟୁ ହୋଇଛି।

ଦେବଗଡ଼ ଜିଲ୍ଲା ଟାଇଁସର ନିକଟରେ ଶିକ୍ଷକ ଜଣକ ଘରକୁ ଫେରୁଥିବା ବେଳେ ବଜ୍ରପାତ ହୋଇଥିଲା। ଫଳରେ ତାଙ୍କର ମୃତ୍ୟୁ ଘଟିଥିଲା। ସେହିପରି ଭୁବନେଶ୍ୱର ଧଉଳି ନିକଟ ଜୟପୁରପାଟଣା ଗାଁର ଜଣେ ଯୁବତୀଙ୍କର ବଜ୍ରପାତରେ ମୃତ୍ୟୁ ଘଟିଛି।

ଗତକାଲି ବଜ୍ରପାତର ରାଜ୍ୟର ବିଭିନ୍ନ ଜିଲ୍ଲାରେ ୧୮ ଜଣଙ୍କ ମୃତ୍ୟୁ ଘଟିଥିଲା। ଅନେକ ଆହତ ମଧ୍ୟ ହୋଇଥିଲେ। ଏପରିକି ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ମୁଖ୍ୟମନ୍ତ୍ରୀ ଘୋଷଣା କରିଥିଲେ।

 

Previous ArticleNext Article

Send this to a friend