କେବେ ବଦଳିବ ନଗଡ଼ାରେ ଭାଗ୍ୟ?

ଭୁବନେଶ୍ୱର: ବର୍ଷକ ତଳେ ନଜରକୁ ଆସିଥିଲା ନଗଡ଼ାର ନଗ୍ନଚିତ୍ର। ଅପପୁଷ୍ଟିର ତାଡନାରେ କଙ୍କାଳସାର ଶିଶୁଙ୍କୁ ନେଇ ସାରା ଦେଶରେ ହୋଇଥିଲା ଚର୍ଚ୍ଚା। ଇତି ମଧ୍ୟରେ ବର୍ଷେ ବିତିଗଲାଣି। ହେଲେ ବଦଳିନି ନଗଡ଼ାର ଭାଗ୍ୟ। ଏବେବି ଠିକ୍‌ ଭାବେ ସେମାନଙ୍କ ପାଖରେ ପହଞ୍ଚି ପାରିନି ସ୍ୱାସ୍ଥ୍ୟ ବ୍ୟବସ୍ଥା। ଆଜି ମଧ୍ୟ ପିଲା ଅପପୁଷ୍ଟିରେ ହୋଇଛନ୍ତି।
ଉପର ନଗଡ଼ାର କମଳି ପ୍ରଧାନ। ବୟସ ୩ ବର୍ଷ। ଓଜନ ୧୦ କେଜିରୁ କମ୍। ଯେଉଁ ବୟସରେ ଖେଳକୁଦ କରି ଫୁର୍ତ୍ତି କରିବା କଥା ସେହି ବୟସରେ ଅପପୁଷ୍ଟିର ବୋଝ। ଠିକ୍‌ ଭାବେ ଛିଡ଼ା ହୋଇପାରୁ ନାହାନ୍ତି କମଳି। ଚିକିତ୍ସା ପାଇଁ କମଳିକୁ ଡାକ୍ତରଖାନା ମଧ୍ୟ ନେଇପାରୁନାହାନ୍ତି ବାପା କାନ୍ଦୁରିଆ ପ୍ରଧାନ ଓ ମା’ ଟୁରୀ। କାରଣ ଚାରି ଚାରି ସନ୍ତାନଙ୍କ ଦାୟିତ୍ୱ ନେବାକୁ କେହିନାହାନ୍ତି। ଏପରି ଅବସ୍ଥା କମଳିଙ୍କର ନହେଁ ସମଗ୍ର ଗାଁରେ ଦେଖିବାକୁ ମିଳିଛି। ବିକାଶ ଅନ୍ଧକାରରେ ରହିଲା ପରି ଲାଗୁଛି।
କଂସାଏ ପଖାଳ ସହ ଶାଗ ଚଟଣି ହିଁ ବୟାନ କରୁଛି, କେତେ ବଦଳିଛି ନଗଡ଼ାର ଅସଲ ଚିତ୍ର। ସରକାର ବିଶୁଦ୍ଧ ପାଣି ପାଇଁ ଯେଉଁ ଫିଲଟର ମାଗଣାରେ ଯୋଗାଇଥିଲେ, ତାହା ଏବେ ଅବ୍ୟବହୃତ। ସ୍ୱାସ୍ଥ୍ୟକେନ୍ଦ୍ରର ସ୍ୱାସ୍ଥ୍ୟସେବା କେବଳ ବୋର୍ଡରେ ହିଁ ସୀମିତ ରହିଛି।

Previous ArticleNext Article

Send this to a friend