ନୂଆ ଫର୍ମୁଲାରେ କାମ କରିବାକୁ ମନ୍ତ୍ର ଫୁଙ୍କିଲେ ନବୀନ

cm

ପୁରୀ (ଓଡ଼ିଶା ରିପୋର୍ଟର): ବିଜେଡି ପ୍ରତିଷ୍ଠା ଦିବସରେ ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନେତା ଓ କର୍ମୀଙ୍କୁ ଦଳ ଚଳାଇବାର ଗୁରୁମନ୍ତ୍ରୀ ଦେଇଛନ୍ତି। ଆଜି ପୁରୀଠାରେ ଆୟୋଜିତ ୨୦ତମ ପ୍ରତିଷ୍ଠା ଦିବସ ଅବସରରେ କର୍ମୀଙ୍କୁ ‘ସିମ୍ପୁଲ ଲିଭିଂ ହାଇ ଥିଙ୍କିଙ୍ଗ’ର ଗୁରୁମନ୍ତ୍ର ଦେଇଛନ୍ତି ନବୀନ।

ଆଜି ପୁରୀରେ ଏକାଠି ହୋଇଥିଲେ ପଞ୍ଚାୟତରୁ ନେଇ ରାଜ୍ୟସ୍ତରର ଲୋକପ୍ରତିନିଧି। ଦଳର ବିଧାୟକ, ସାଂସଦ, ମନ୍ତ୍ରୀ ଓ ଅନ୍ୟ ନେତାମାନେ ମଧ୍ୟ ଉପସ୍ଥିତି ଥିଲେ। ଏହି ଅବସରରେ ନବୀନ ନେତା ଓ କର୍ମୀଙ୍କୁ ଦେଇଥିଲେ ସରଳତାର ଗୁରୁମନ୍ତ୍ର। ‘ସିମ୍ପୁଲ ଲିଭିଂ ଓ ହାଇ ଥିଙ୍କିଙ୍ଗ’ ଲକ୍ଷ୍ୟରେ କାମ କରିବାକୁ ଦେଇଥିଲେ ପରାମର୍ଶ। ସହାନୁଭୂତି ମନୋଭୋବ ତଥା ବିନମ୍ର ହୋଇ ସୁଖଦୁଃଖରେ ଲୋକଙ୍କୁ ସାହାଯ୍ୟ କରିବାକୁ ନବୀନ କର୍ମୀ ଓ ନେତାଙ୍କୁ ଆହ୍ୱାନ ଦେଇଥିଲେ।

ନବୀନ କହିଥିଲେ- ‘ଲୋକେ ହିଁ ଆମର ପ୍ରଭୁ। ତେଣୁ ସେବା ମାଧ୍ୟମରେ ଲୋକଙ୍କ ହୃଦୟ ଜିତିବା ଦରକାର। ଭଲପାଇବା ଆଗରେ ପାଓ୍ୱାର, ପ୍ରେଷ୍ଟିଜ୍, ପ୍ରପର୍ଟି କିଛି ନୁହେଁ।”

ଏହି ଅବସରରେ ଓଡିଶାକୁ ଏକ ନମ୍ବର ରାଜ୍ୟରେ ପରିଣତ କରିବାକୁ ନବୀନ ଦଳୀୟ ନେତା ଓ କର୍ମୀଙ୍କୁ ଆହ୍ୱାନ ଦେଇଥିଲେ।

କେନ୍ଦ୍ର ଉପରେ ବର୍ଷିଲେ ନେତା  

ସଭାରେ ଅବହେଳା ପ୍ରସଙ୍ଗକୁ ନେଇ କେନ୍ଦ୍ର ଉପରେ ବର୍ଷିଥିଲେ ଦଳର ହେବିୱେଟ୍‌ ନେତା। ମହାନଦୀ, ପୋଲଭରମ୍, ଧାନର ସର୍ବନିମ୍ନ ସହାୟକ ମୂଲ୍ୟ, କେନ୍ଦ୍ର ଅନୁଦାନ ହ୍ରାସ, ଓଡିଶାକୁ ସ୍ୱତନ୍ତ୍ର ରାଜ୍ୟ ପାହ୍ୟ ନମିଳିବା ଆଦି ପ୍ରସଙ୍ଗରେ କଡା ସମାଲୋଚାନ କରିଥିଲେ ଦଳର ସାଂସଦ, ବିଧାୟକ, ମନ୍ତ୍ରୀମାନେ। ଏହାସହ ୨୦୧୯ରେ ପୁଣି ଥରେ କ୍ଷମତା ଦଖଲ କରିବାକୁ ଆହ୍ୱାନ ବି ଦିଆଯାଇଥିଲା। ଏହି ଅବସରରେ ୧୭ ବର୍ଷ ବିକାଶ ଚିତ୍ରକୁ ବର୍ଣ୍ଣନା କରିବାକୁ ନେତାମାନେ ଭୁଲି ନଥିଲେ।

Previous ArticleNext Article

Send this to a friend