ବିଶାଖାପାଟଣା ଓଡିଆ ଛାତ୍ରଙ୍କ ମୃତ୍ୟୁ ଘଟଣା: ସାମ୍ନାକୁ ଆସିଲା ଶ୍ରେୟସଙ୍କ ମୃତ୍ୟୁକାଳୀନ ବୟାନ

ବିଶାଖାପାଟଣା: ବିଶାଖାପାଟଣାର ଏକ ଘରୋଇ କଲେଜରେ ସମ୍ବଲପୁର ଗଡ଼ପୋଷର ଜଣେ ଛାତ୍ରଙ୍କ ରାଗିଂ ଜନିତ ମୃତ୍ୟୁକୁ ନେଇ ଚାଞ୍ଚଲ୍ୟ ସୃଷ୍ଟି ହୋଇଛି। ମୃତ୍ୟୁ ପୂର୍ବରୁ ପରିବାର ଲୋକଙ୍କୁ ଦେଇଥିବା ଏକ ଭିଡ଼ିଓ ବୟାନ ସାମ୍ନାକୁ ଆସିବା ପରେ ଆରମ୍ଭ ହୋଇଛି ପୋଲିସର ଖୋଳତାଡ଼। ସମ୍ବଲପୁର ପୋଲିସର ଏକ ଟିମ୍ ବିଶାଖାପାଟଣା ଯାଇ ତଦନ୍ତ କରିବ ବୋଲି ବ୍ୟବସ୍ଥା ହେଉଛି। ସେପଟେ ଛାତ୍ର ମୃତ୍ୟୁ ପ୍ରତିବାଦରେ ଆଜି ଗଡ଼ପୋଷରେ ତୀବ୍ର ଉତ୍ତେଜନା ଦେଖାଦେଇଥିଲା । ଏଣେ କଲେଜ୍ କର୍ତ୍ତୃପକ୍ଷ ରାଗିଂ ଅଭିଯୋଗକୁ ଖଣ୍ଡନ କରିଛନ୍ତି ।

ସବୁ ବର୍ବରତାର ସୀମା ଓ ଶୃଙ୍ଖଳାର ଜ୍ଞାନ ଗାରିମାକୁ ଭୁଲି ବିଶୃଙ୍ଖଳିତ ହୋଇଥିବା ଛାତ୍ରଙ୍କ ଜଘନ୍ୟ କାଣ୍ଡରେ ଚାଲିଯାଇଛି ଜଣେ ନିରୀହ ଛାତ୍ରର ଜୀବନ। ସମ୍ବଲପୁର ଜିଲ୍ଲା ଗଡ଼ପୋଷର ଶ୍ରେୟସ୍ କେଶରଓ୍ୱାନୀ ଭାଇଜାଗ୍‌ସ୍ଥିତ ଶ୍ରୀଚୈତନ୍ୟ କଲେଜର ଯୁକ୍ତ ଦୁଇ ପ୍ରଥମ ବର୍ଷର ବିଜ୍ଞାନ ଛାତ୍ର। କିନ୍ତୁ ସିନିୟର ଛାତ୍ରଙ୍କ ମରଣାନ୍ତକ ରାଗିଂର ଶୀକାର ହୋଇ ଆଖି ବୁଜିଛନ୍ତି ଶ୍ରେୟସ୍‌।

ଡିସେମ୍ବର ୨୬, ୨୦୧୭ । ଶ୍ରୀଚୈତନ୍ୟ କଲେଜ୍ ହଷ୍ଟେଲ୍ରେ ରହୁଥିବା ଶ୍ରେୟସଙ୍କୁ ମରଣାନ୍ତକ ଆକ୍ରମଣ କରିଥିଲେ ସିନିୟର ଛାତ୍ର । ବାଥରୁମରେ ପାଣି ଢ଼ାଳିଦେଇଥିବାରୁ ଗୋଡ଼ ଖସି ତଳେ ପଡ଼ିଯିବା ପରେ ସିନିୟର ଛାତ୍ର ଆକ୍ରମଣ କରିଥିବା ଅଭିଯୋଗ ହୋଇଥିଲା। ଏ ସମ୍ପର୍କରେ ସେ ଭାଇସ୍ ପ୍ରିନସପାଲ୍‌ଙ୍କୁ ମଧ୍ୟ ସେ କହିଥିଲେ। ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଚିକିତ୍ସିତ ଅବସ୍ଥାରେ ଗତକାଲି ଶ୍ରେୟସଙ୍କ ମୃତ୍ୟୁ ହୋଇଥିବା ବେଳେ ମୃତ୍ୟୁ ପୂର୍ବର ଶ୍ରେୟସ ଦେଇଥିବା ଏହି ବୟାନକୁ ନେଇ ଏବେ ଚାଞ୍ଚଲ୍ୟ ସୃଷ୍ଟି ହୋଇଛି।

Previous ArticleNext Article

Send this to a friend