ଆଜିଠୁ ମାଓବାଦୀଙ୍କ ପିଏଲଜିଏ ସପ୍ତାହ ଆରମ୍ଭ; ସୁରକ୍ଷା ବ୍ୟବସ୍ଥା କଡ଼ାକଡ଼ି

mao

ମାଲକାନଗିରି: ଆଜିଠୁ ମାଓବାଦୀମାନେ ପିଏଲଜିଏ ସପ୍ତାହ ପାଳନ କରୁଛନ୍ତି। ଏଥିପାଇଁ ମାଓ ପ୍ରଭାବିତ ଅଞ୍ଚଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ବିଭିନ୍ନ ଅଞ୍ଚଳରେ କମ୍ବିଂ ଅପରେସନକୁ ଜୋରଦାର କରାଯାଇଛି।

ପିଏଲଜିଏ ସପ୍ତାହ ପୂର୍ବରୁ ମାଓବାଦୀମାନେ ନିଜର ସ୍ଥିତି ଜାହିର କରିବା ପାଇଁ ଚେଷ୍ଟା କରିଥିବା ଦେଖିବାକୁ ମିଳିଛି। ବିଚ୍ଛିନ୍ନାଞ୍ଚଳରେ ପ୍ରଥମ ଥର ଲାଗି ମାଓବାଦୀ କ୍ୟାମ୍ପ ଅଫିସ୍ ଖୋଲିଛନ୍ତି ବୋଲି କୁହାଯାଉଛି। ପିଏଲଜିଏ ସପ୍ତାହର ପ୍ରଥମ ଦିବସରେ ଏହି କ୍ୟାମ୍ପ ଅଫିସ ଉଦଘାଟନ ହେବ। ଏହାସହ ମାଲକାନଗିରି ଜିଲ୍ଲାର କାଳିମେଳା ଓ ମହୁପଦର ଅଞ୍ଚଳରେ ମଧ୍ୟ ମାଓ ପୋଷ୍ଟର ଦେଖିବାକୁ ମିଳିଥିଲା। ଏହି ପୋଷ୍ଟର ମାଧ୍ୟମରେ ପିଏଲଜିଏ ସପ୍ତାହ ପାଳନ ଲାଗି ଆହ୍ୱାନ ଦେଇଥିଲେ ମାଓବାଦୀ। ଏହାସହ ବିଚ୍ଛିନ୍ନାଞ୍ଚଳର ତୋଟାଗୁଡ଼ାରେ ମଧ୍ୟ ମାଓବାଦୀଙ୍କ ଉପସ୍ଥିତି ଦେଖିବାକୁ ମିଳିଥିଲା।  ବିଚ୍ଛିନ୍ନାଞ୍ଚଳର ତୋଟାଗୁଡ଼ାରେ ଏକ ସ୍ଥାୟୀ ଘର କରିବା ସହ ନାଲି ରଙ୍ଗ ଦେଇ ପ୍ରସ୍ତୁତି ଆରମ୍ଭ କରିଛନ୍ତି ମାଓବାଦୀ। ମାଓ ସପ୍ତାହ ପାଳନକୁ ଦୃଷ୍ଟିରେ ରଖି ଜିଲ୍ଲାର ସୀମାନ୍ତକୁ ସିଲ୍ କରିଛି ପୋଲିସ୍‌।  ବିଭିନ୍ନ ସ୍ଥାନରେ ଗାଡ଼ି ଗୁଡିକ ଯାଞ୍ଚ କରିବା ସହ କମ୍ବିଂ ଅରରେସନକୁ ଜୋରଦାର କରାଯାଇଛି। ମାଓ ପ୍ରଭାବିତ ଅଞ୍ଚଳରେ ଯାତାୟତ ବାଧାପ୍ରାପ୍ତ ହୋଇଛି। ରାୟଗଡ଼ାର ୮ଟି ରୁଟରେ ସରକାରୀ ବସ୍‌ ଯାତାୟତ କରୁ ନାହିଁ। ସେହିପରି ମାଲକାନଗିରିରେ ମଧ୍ୟ ବିଭିନ୍ନ ରୁଟରେ ସରକାରୀ ବସ୍‌ ବନ୍ଦ ରହିଛି।

 

 

Previous ArticleNext Article

Send this to a friend