ସୋସିଆଲ୍ ମିଡିଆରେ ଖୋଲିଲା ନବୀନଙ୍କ ଦରବାର

naveen9

ଭୁବନେଶ୍ୱର: ରାଜ୍ୟର ଅନେକ ଲୋକ ସେମାନଙ୍କ ଅସୁବିଧା ଓ ଅଭିଯୋଗ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସୋସିଆଲ୍ ମିଡିଆ ମାଧ୍ୟମରେ ଜଣାଉଛନ୍ତି। ଏଥିପାଇଁ ସେମାନେ ମୁଖ୍ୟମନ୍ତ୍ରୀଙ୍କୁ ଟ୍ୱିଟ୍ କରୁଛନ୍ତି ଅବା ଫେସ୍‌ବୁକ୍ ମାଧ୍ୟମରେ ଜଣାଉଛନ୍ତି। ଲୋକଙ୍କ ସମସ୍ୟାର ଶୀଘ୍ର ସମାଧାନ କରିବା ଉଦ୍ଦେଶ୍ୟରେ ଆଜି ଲୋକାର୍ପିତ ହୋଇଛି ‘ମୁଖ୍ୟମନ୍ତ୍ରୀଙ୍କ ସୋସିଆଲ୍ ମିଡିଆ ଗ୍ରୀଭାନ୍ସ ସେଲ୍‌’। ନିଜେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଲୋକାର୍ପିତ କରିଛନ୍ତି।

ଏନେଇ ଆଇଟି ମନ୍ତ୍ରୀ ଚନ୍ଦ୍ର ସାରଥି ବେହେରା କହିଛନ୍ତି ଯେ ଉଭୟ ଟ୍ୱିଟର ଓ ଫେସ୍‌ବୁକ୍‌ରେ ମୁଖ୍ୟମନ୍ତ୍ରୀଙ୍କର ଆକାଉଣ୍ଟ ରହିଛି। ସେଥିରେ ଅନେକ ଲୋକ ସେମାନଙ୍କ ଅଭିଯୋଗ ମୁଖ୍ୟମନ୍ତ୍ରୀଙ୍କୁ ଜଣାଛନ୍ତି। ଉକ୍ତ ଅଭିଯୋଗଗୁଡ଼ିକୁ ଅନୁଧ୍ୟାନ କରିବା ପରେ ଓକାକ୍‌ ଓ ରାଜ୍ୟ ଆଇଟି ବିଭାଗ ଏକ ପ୍ଲାଟ୍‌ଫର୍ମ ତିଆରି କରିଛି। ଏହି ଫ୍ଲାଟଫର୍ମ ଲୋକଙ୍କ ଅଭଯୋଗଗୁଡ଼ିକର ଶୀଘ୍ର ସମାଧାନ କ୍ଷେତ୍ରରେ ସହାୟକ ହେବ। ଏହି ବ୍ୟବସ୍ଥାରେ ମୁଖ୍ୟମନ୍ତ୍ରୀଙ୍କ ନିକଟକୁ ସୋସିଆଲ୍ ମିଡିଆରେ ଆସୁଥିବା ଅଭିଯୋଗଗୁଡ଼ିକର ବର୍ଗୀକରଣ କରାଯିବ, ଅର୍ଥାତ୍- ଅଭିଯୋଗଗୁଡ଼ିକ କେଉଁ ଜିଲ୍ଲାର, ନିର୍ଦ୍ଦିଷ୍ଟ ଭାବେ କେଉଁ ବିଭାଗର ତାହାକୁ ଦେଖାଯିବ। ତା’ପରେ ସେଗୁଡ଼ିକୁ ସଂପୃକ୍ତ ଜିଲ୍ଲାର ଜିଲ୍ଲାପାଳ ଓ ବିଭାଗୀୟ ଅଧିକାରୀଙ୍କ ନିକଟକୁ ପଠାଯିବ। ନିର୍ଦ୍ଦିଷ୍ଟ ସମୟସୀମା ମଧ୍ୟରେ ସେଗୁଡ଼ିକର ସମାଧାନ କରିବାକୁ କୁହାଯିବ।

ସେ ଆହୁରି କହିଛନ୍ତି, ଅଭିଯୋଗଗୁଡ଼ିକୁ ଜିଲ୍ଲାପାଳମାନେ ଦେଖୁଛନ୍ତି ନା ନାହିଁ ତାହା ମୁଖ୍ୟମନ୍ତ୍ରୀ ନିଜ ଡ୍ୟାସ୍‌ ବୋର୍ଡ ମାଧ୍ୟମରେ ଜାଣିପାରିବେ। ସେହି ଅନୁସାରେ ସେମାନଙ୍କୁ ନିର୍ଦ୍ଦେଶ ଦିଆଯିବ। ବିଭିନ୍ନ ଅଭିଯୋଗର ସମାଧାନ କରିବା ପାଇଁ ଭିନ୍ନ ଭିନ୍ନ ସମୟ ସୀମା ରହିବ।

Previous ArticleNext Article

Send this to a friend