ଏଡ୍‌ସ ଜଞ୍ଜିର ଭିତରେ ଜୀବନ : କୁନି ଝିଅକୁ କରିଦେଲା ଅନାଥ, ମା’ ପେଟରେ ଝିଅକୁ ବି ଛାଡ଼ିଲାନି , ଦେଖନ୍ତୁ ଭିଡଓ

Kuni Jhia

ଭୁବନେଶ୍ୱର: ରାତି ପାହିଲେ ସାରା ବିଶ୍ୱ ପାଳିବ ଏଡ୍‌ସ ଡେ। ଚାଲିବ ଶୋଭାଯାତ୍ରା।  ଦିଆଯିବ ନିରାକରଣ ପାଇଁ ଆହ୍ୱାନ। ଓଡ଼ିଶା ବି ଏହି କାର୍ଯ୍ୟକ୍ରମରୁ ବାଦ୍ ପଡ଼ିନି। ୨୦୩୦ ସୁଦ୍ଧା ଓଡ଼ିଶାକୁ ଏଡସ୍ ମୁକ୍ତ କରିବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର।  ଏବର୍ଷର ଥିମ୍ ରଖାଯାଇଛି MY HEALTH MY RIGHT । ଅର୍ଥାତ ମୋ ସ୍ୱାସ୍ଥ୍ୟ ମୋ ଅଧିକାର। ତେବେ ଏଡ୍‌ସ ଦିବସର ଅବ୍ୟବହିତ ପୂର୍ବରୁ ଆସନ୍ତୁ ଜାଣିବା  ଏଚ୍ଆଇଭି ସଂକ୍ରମିତଙ୍କ ଜୀବନ ଯନ୍ତ୍ରଣାକୁ ନେଇ ଏକ ବିଶେଷ ରିପୋର୍ଟ ।

ଏକା ଏକା କୁନି ଝିଅ

କଅଁଳ ବୟସର ନିଷ୍ପାପ ଶିଶୁଟିଏ। ଘରର ଚାରିକାନ୍ଥ ଭିତରେ ନିଜକୁ ବନ୍ଦ କରିଦେଇ ଏକୁଟିଆ ଓ ନୈରାଶ୍ୟପୂର୍ଣ୍ଣ ଜୀବନ ବିତାଉଛି । ଆଉ  ଜୀବନର ଜଂଜିର ଭିତରେ ଅହରହ ଖୋଜୁଛି ମାଙ୍କୁ, ବାପାଙ୍କୁ।  ହେଲେ ବାପା, ମା’ କିନ୍ତୁ ଚାଲିଯାଇଛନ୍ତି ପରପାରିକୁ ଅଫେରା ବାଟ ଦେଇ। ଏଚ୍ଆଇଭିର ବୁଢ଼ଇାଣୀ ଜାଲରେ ଛନ୍ଦି ହୋଇ ସେମାନେ ଆଖିବୁଜିଦେବା ପରେ ଏବେ ଏକୁଟିଆ ଜୀବନ ସହ ସଂଘର୍ଷରତ ଏହି କୁନିଝିଅଟି। କାରଣ ସେ ବି ଏଚ୍ଆଇଭିର ପଂଝାରେ ପଡ଼ି କଲବଲ। କେବଳ ମାଉସୀଠୁ ମା’ର ଅନୁଭବ ଏବଂ ମାମୁଁଙ୍କଠୁ ବାପାର ସ୍ପର୍ଶ ପାଇ ବାକିତକ ଜୀବନ କାଟୁଛି ସେ।

ସାରା ପରିବାର ଏଚ୍‌ଆଇଭି ଦ୍ୱାରା କବଳିତ

ଆଉ ଏପଟେ ଅନ୍ତର୍ଯୁଦ୍ଧରେ ବିଜୟଲାଭ କରିବାକୁ ପଣ କରିଛନ୍ତି ଏଚ୍‌ଆଇଭି ସଂକ୍ରମିତ ମା’ ଝିଅ । ଏଚ୍ଆଇଭି ସଂକ୍ରମଣରୁ ସ୍ୱାମୀ ବି ବି ବାଦ୍ ପଡ଼ି ନାହାନ୍ତି । ସାରା ପରିବାର ଏବେ ଏଚ୍‌ଆଇଭି ଦ୍ୱାରା କବଳିତ।    ଗର୍ଭଧାରଣ ପୂର୍ବରୁ ପତ୍ନୀ ଜାଣି ନ ଥିଲେ ସେ ଏଚ୍ଆଇଭି ଦ୍ୱାରା ସଂକ୍ରମିତ ବୋଲି। ତେବେ ଦେହ ଖରାପ ହେବାରୁ ବ୍ଲଡ଼ବ୍ୟାଙ୍କରୁ ବ୍ଲଡ଼ ନେଇଥିଲେ  ଏବଂ ଝିଅ ଜନ୍ମ ପୂର୍ବରୁ ରକ୍ତ ପରୀକ୍ଷା ପରେ ସେ ଏଚ୍ଆଇଭି ଦ୍ୱାରା ସଂକ୍ରମିତ ବୋଲି ଜାଣିବାକୁ ପାଇଥିଲେ।

୧୭ ବର୍ଷରେ ୪୩, ୧୮୭ ଆକ୍ରାନ୍ତ

ରାଜ୍ୟ ଏଡ୍‌ସ ନିୟନ୍ତ୍ରଣ ସମିତିରୁ ମିଳିଥିବା ତଥ୍ୟ କହୁଛି, ଗତ ୧୭ ବର୍ଷ ଭିତରେ ଓଡ଼ିଶାର ଏଚ୍‌ଆଇଭି ଆକ୍ରାନ୍ତଙ୍କ ସଂଖ୍ୟା ୪୩, ୧୮୭ । ସେମାନଙ୍କ ମଧ୍ୟରୁ ୬, ୬୧୦ ଆକ୍ରାନ୍ତଙ୍କ ମୃତ୍ୟ ହୋଇସାରିଛି।  ବଳକା ସଂକ୍ରମିତଙ୍କ ଚିକିତ୍ସା ଜାରି ରହିଛି । ତେବେ ଆଶ୍ୱସ୍ତିକର ଖବର ହେଉଛି, ମୃତ୍ୟୁ ସଂଖ୍ୟା କ୍ରମାଗତ ଭାବରେ କମିବାରେ ଲାଗିଛି।   ସଚେତନତା ବୃଦ୍ଧି ପାଉଥିବାରୁ ମୃତ୍ୟୁ ହାର ୫୭ ପ୍ରତିଶତକୁ ହ୍ରାସ ପାଇଛି।  ତେବେ ସରକାରଙ୍କ ଲକ୍ଷ୍ୟ ରହିଛି ୨୦୩୦ ସୁଦ୍ଧା ସାରା ଓଡ଼ିଶାକୁ ଏଡସ୍ କବଳରୁ ମୁକ୍ତ କରାଯିବ।

ମାଇଁ ହେଲଥ୍‌, ମାଇଁ ରାଇଟ୍‌

ଆସନ୍ତାକାଲି ସାରା ବିଶ୍ୱ ପାଳିବ ଏଡସ୍ ଦିବସ । ଏଡସ୍ ନିରାକରଣ ପାଇଁ ଚାଲିବ ପ୍ରଚାର ପ୍ରସାର।  ଏବର୍ଷର ଥିମ୍ ରହିଛି ମାଇଁ ହେଲଥ୍‌, ମାଇଁ ରାଇଟ୍‌।

 

 

 

Previous ArticleNext Article

Send this to a friend