ରାଜ୍ୟ ସରକାର କ୍ଲିୟରାନ୍ସ ଦେଇ ନ ଥିବାରୁ ଅଟକିଛି ଦ୍ୱିତୀୟ ବ୍ରାହ୍ମଣୀ ସେତୁ କାମ

ngg

ଭୁବନେଶ୍ୱର: ବ୍ରାହ୍ମଣୀ ନଦୀ ଉପରେ ଦ୍ୱିତୀୟ ସେତୁର ନିର୍ମାଣ କାମ କ୍ଲିୟରାନ୍ସ ପାଇଁ ଅଟକି ରହିଛି। କ୍ଲିୟରାନ୍ସ ପାଇଁ ରାଜ୍ୟ ସରକାର ସମୟ ନେଇଛନ୍ତି ବୋଲି ଜାତୀୟ ରାଜପଥ ପ୍ରାଧିକରଣ (ଏନଏଚ୍‌ଏଆଇ) ସଦସ୍ୟ ଆନନ୍ଦ ସିଂଙ୍କ ଆଜି ଏହା କହିଛନ୍ତି।

ସେ କହିଛନ୍ତି,“କ୍ଲିୟରାନ୍ସ ପାଇଁ ରାଜ୍ୟ ସରକାର ସମୟ ନେଇଛନ୍ତି । କ୍ଲିୟରାନ୍ସ ମିଳିଲେ ଖୁବଶୀଘ୍ର କାମ ଆରମ୍ଭ ହେବ। ରାଜ୍ୟ ସରକାରଙ୍କ ତରଫରୁ କ୍ଲିୟରାନ୍ସ ନ ମିଳିବା ଯାଏଁ କାମ ଆରମ୍ଭ ହେବ ନାହିଁ।”

ବ୍ରାହ୍ମଣୀରେ ଦ୍ୱିତୀୟ ସେତୁର କାମ ଆରମ୍ଭ କରିବାକୁ ଏନଏଚ୍‌ଏଆଇ ପ୍ରସ୍ତୁତ ରହିଛି  ବୋଲି  ଏନଏଚ୍‌ଏଆଇ ପକ୍ଷରୁ କୁହାଯାଇଛି।

ରାଉରକେଲାରେ ବ୍ରାହ୍ମଣୀ ଦ୍ୱିତୀୟ ସେତୁ ପ୍ରସଙ୍ଗରେ ସଚିବାଳୟରେ ମୁଖ୍ୟଶାସନ ସଚିବ ଆଦିତ୍ୟ ପାଢ଼ୀଙ୍କ ସହ ଜାତୀୟ ରାଜପଥ ପ୍ରାଧିକରଣ (ଏନଏଚ୍‌ଏଆଇ) ସଦସ୍ୟଙ୍କ  ବୈଠକ ହୋଇଥିଲା। ସେତୁ ନିର୍ମାଣ ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା।

ସୂଚନାଯୋଗ୍ୟ- ଏନଏଚଏଆଇ ପାଇଁ ବ୍ରାହ୍ମଣୀ ନଦୀ ଉପରେ ଦ୍ୱିତୀୟ ସେତୁ ନିର୍ମାଣରେ ଡେରି ହେଉଥିବା କହି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ସଡ଼କ ପରିବହନ ମନ୍ତ୍ରୀ ନୀତିନ ଗଡ଼କରିଙ୍କୁ ଚିଠି ଲେଖିଥିଲେ।  ଉତ୍ତରରେ ଗଡ଼କରି କହିଥିଲେ- ନବୀନ ଲେଖିଥିବା ଚିଠି ଓ ଏ ସଂପର୍କିତ ଗଣମାଧ୍ୟମର ରିପୋର୍ଟ ମୋତେ ବିସ୍ମିତ କରିଛି । ରାଜ୍ୟ ଜଙ୍ଗଲ ବିଭାଗର ଅନୁମତି ମିଳି ନ ଥିବାରୁ ପ୍ରକଳ୍ପ ଡେରି ହେଉଛି। ଏହା ସହିତ ଜମି ଅଧିଗ୍ରହଣ ମଧ୍ୟ ବିଳମ୍ବର ଅନ୍ୟତମ କାରଣ। କ୍ଲିୟରାନ୍ସ ମିଳିବାର ୭ ଦିନ ଭିତରେ କାମ ଆରମ୍ଭ ହେବ।

 

 

 

Previous ArticleNext Article

Send this to a friend