ବାରବାଟୀରେ ଶ୍ରୀଲଙ୍କା ଟି-୨୦: ଆସନ୍ତାକାଲିଠାରୁ ୱେବସାଇଟ୍‌ରେ ମିଳିବ ଟିକେଟ

କଟକ (ଓଡ଼ିଶା ରିପୋର୍ଟର): ଡିସେମ୍ବର ୨୦ ତାରିଖରେ କଟକ ବାରବାଟୀରେ ହେବ ଭାରତ ଓ ଶ୍ରୀଲଙ୍କା ଟି-୨୦ ମ୍ୟାଚ। ଏଥିପାଇଁ କାଉଣ୍ଟଡାଉନ୍‌ ଆରମ୍ଭ ହୋଇଯାଇଛି। ଆସନ୍ତାକାଲିଠୁ ଅନଲାଇନ୍ ଟିକେଟ୍ ବିକ୍ରି ଆରମ୍ଭ ହେଉଛି। ଖେଳ ପ୍ରେମୀମାନେ ୱେବସାଇଟ୍‌ get2thegames.com ରେ ଟିକେଟ୍ ବୁକିଂ କରିପାରିବେ।

ଡିସେମ୍ବର ୧୪ ଓ ୧୫ ତାରିଖରେ ଓସିଏ, ବିସିସିଆଇ ଅନୁବନ୍ଧିତ କ୍ଲବ, ସ୍କୁଲ, କଲେଜଗୁଡିକ ପାଇଁ ଟିକେଟ୍ ବିକ୍ରି କରାଯିବ।  ଆସନ୍ତା ୧୬ ଓ ୧୭ ତାରିଖରେ ବାରବାଟୀରେ ୩ଟି କାଉଣ୍ଟରରେ ସାଧାରଣ ଦର୍ଶକଙ୍କ ନିମନ୍ତେ ଟିକେଟ୍ ବିକ୍ରି କରାଯିବ। ୧ ଓ ୩ ନମ୍ବର ଗ୍ୟାଲେରୀର ଟକଟ ମୂଲ୍ୟ ୬୦୦ ଟଙ୍କା ଏବଂ  ୨ ଓ ୪ ନମ୍ବର ଗ୍ୟାଲେରୀ ମୂଲ୍ୟ ୫୦୦ ଟଙ୍କା ରହିଛି। ସେହିପରି ୬ ଓ ୭ ନମ୍ବର ଗ୍ୟାଲେରୀର ଟିକଟ୍‌ ମୂଲ୍ୟ ୪୦୦ ଟଙ୍କା ଓ ସ୍ପେଶାଲ ଏନ୍‌କ୍ଲୋଜର ୩୦୦୦, ନ୍ୟୁ ପ୍ୟାଭିଲିୟନ ଓ ଏସି ବକ୍ସ ପାଇଁ ୫୦୦୦ ଏବଂ କର୍ପୋରେଟ୍ ବକ୍ସର ମୂଲ୍ୟ ୮୦୦୦ ଟଙ୍କା ରହିଛି।

Previous ArticleNext Article

Send this to a friend