ଟି-ଟ୍ୱେଣ୍ଟି ବି କବ୍‌ଜା : ଶ୍ରୀଲଙ୍କାକୁ ୯-୦ରେ ହରାଇ କ୍ଲିନ୍‌ ସୁଇପ୍‌ କଲା ଭାରତ

Virat-Kohli

ଭୁବନେଶ୍ୱର (ଓଡ଼ିଶା ରିପୋର୍ଟର): ୭ ୱିକେଟ୍‌ରେ କଲମ୍ବୋ ଟି-ଟ୍ୱେଣ୍ଟିକୁ କବ୍‌ଜା କଲା ଟିମ୍‌ ଇଣ୍ଡିଆ। ଫଳରେ କ୍ଲିନ୍ ସୁଇପରେ ଶ୍ରୀଲଙ୍କା ଗସ୍ତ ଶେଷ କରିଛି ଇଣ୍ଡିଆ। ପ୍ରଥମେ ଟେଷ୍ଟ ଓ ପରେ ଦିନିକିଆ ଏବଂ ଶେଷରେ ଏକମାତ୍ର ଟି-ଟ୍ୱେଣ୍ଟିକୁ ବି ନିଜ ନାଁରେ କରି ନେଇଛି ଇଣ୍ଡିଆ। ଇଣ୍ଡିଆ ପ୍ରଥମେ ୩ଟି ଟେଷ୍ଟ ଜିତିବା ପରେ ୫ଟି ଦିନିକିଆ ମଧ୍ୟ ଜିତିସାରିଥିଲା। ଏବଂ ଆଜିର ବିଜୟ ସହ ଶ୍ରୀଲଙ୍କା ବିପକ୍ଷରେ ପ୍ରଥମ ଥର ପାଇଁ ଇଣ୍ଡିଆ ୯-୦ ରେ ଜିତି ଅଷ୍ଟ୍ରେଲିଆ ସହ ସମକକ୍ଷ ହୋଇପାରିଛି। ଏହାପୂର୍ବରୁ ୨୦୦୯-୧୦ ମସିହାରେ ଅଷ୍ଟ୍ରେଲିଆ, ପାକିସ୍ତାନ ବିପକ୍ଷରେ ୯-୦ରେ କ୍ଲିନ୍‌ ସୁଇପ୍‌ କରିଥିଲା। ଯେଉଁଥିରେ ୩ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-ଟ୍ୱେଣ୍ଟି ଖେଳାଯାଇଥିଲା
ଶ୍ରୀଲଙ୍କା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭରରେ ୭ ୱିକେଟ୍‌ ହରାଇ ୧୭୦ ରନ୍‌ କରିଥିଲା। ଜବାବରେ ଇଣ୍ଡିଆ ମାତ୍ର ୩ ୱିକେଟ୍‌ ହରାଇ ଏହି ବିଜୟ ଲକ୍ଷ୍ୟକୁ ସହଜରେ ହାସଲ କରିନେଇଛି। ଦଳ ପକ୍ଷରୁ ଅଧିନାୟକ ବିରାଟ୍ କୋହଲି ସର୍ବାଧିକ ୮୨ ରନ୍‌ କରିଥିବା ବେଳେ ମନିଷ ପାଣ୍ଡେ ୫୧ ରନର ଅର୍ଦ୍ଧଶତକୀୟ ପାଳି ଖେଳି ଦଳକୁ ଜିତାଇଛନ୍ତି।

Previous ArticleNext Article

Send this to a friend