ମୁମ୍ବାଇ ଓ କୋଲକାତା ପାଇଁ ଶେଷ ସୁଯୋଗ: ଜିତିଲେ ସିଧା ଫାଇନାଲରେ

rohit-gambhir_1004bcci_8751

ବାଙ୍ଗାଲୋର: ଦୁଇ ଦୁଇ ଥର ଆଇପିଏଲ ଚାମ୍ପିୟନ ମୁମ୍ବାଇ ଓ କୋଲକାତ ପାଇଁ ଆଜି କର ବା ମର ସ୍ଥିତି। ଆଇପିଏଲ ଚଳିତ ସିଜିନରେ ପ୍ରଥମ ଟିମ୍‌ ଭାବେ ପୁଣେ ଫାଇନାଲରେ ପହଞ୍ଚିସାରିଛି। ତେବେ ଆଜି ମ୍ୟାଚ୍‌ର ବିଜେତା ସିଧାସଳଖ ଫାଇନାଲରେ ପୁଣେକୁ ଭେଟିବ। ପ୍ରଥମ କ୍ୱାଲିଫାୟର ମ୍ୟାଚ୍‌ରେ ପୁଣେ ଠାରୁ ପରାସ୍ତ ହୋଇଥିଲେ ମଧ୍ୟ ମୁମ୍ବାଇ ପାଇଁ ଆଉ ଏକ ସୁଯୋଗ ଅଛି। ଅନ୍ୟପଟେ କୋଲକାତା ଏଲିମିନେଟର ମ୍ୟାଚ୍‌ରେ ହାଇଦ୍ରାବାଦକୁ ହାରାଇ ଦ୍ୱିତୀୟ କ୍ୱାଲିଫାୟର ମ୍ୟାଚ୍‌ ଖେଳିବାକୁ ଯୋଗ୍ୟତା ଅର୍ଜନ କରିଛି।

ଉଭୟ ଟିମ୍‌ ଶକ୍ତିଶାଳୀ ମନେହେଉଥିଲେ ମଧ୍ୟ ମୁମ୍ବାଇର ପଲ୍ଲା ଭାରି ଦେଖାଯାଉଛି। ଯଦିଓ ଉଭୟ ଟିମ୍‌ ଦୁଇ ଦୁଇ ଥର ଆଇପିଏଲ ବିଜେତା ହୋଇସାରିଛନ୍ତି ତଥାବି ମୁମ୍ବାଇକୁ ଆଇପିଏଲର ସବୁଠୁ ସଫଳ ଟିମ୍‌ ଭାବେ ଗଣାହୁଏ। ସବୁଠୁ ଅଧିକ ମ୍ୟାଚ୍‌ ଜିତିବାର ରେକର୍ଡ ମୁମ୍ବାଇ ନାଁରେ ରହିଛି। ତଥାପି ଅଜିର ମ୍ୟାଚ୍‌ ବେସ ସଂଘର୍ଷପୂର୍ଣ୍ଣ ହେବ ବୋଲି କ୍ରୀଡାପ୍ରେମୀ ଆଶା ରଖିଛନ୍ତି। ଉଭୟ ଟିମ୍‌ ଆଜିର ମ୍ୟାଚ୍‌ ଜିତି ଫାଇନାଲରେ ପହଞ୍ଚିବାକୁ ରଣକୌଶଳ ତିଆରି କରି ପଡିଆକୁ ଓହ୍ଲାଇବେ।

Previous ArticleNext Article

Send this to a friend