ବାହା ହେଲେ ବିରାଟ ଓ ଅନୁଷ୍କା

virat

ଭୁବନେଶ୍ୱର: ସବୁ ଚର୍ଚ୍ଚାର ଅନ୍ତ ଘଟିଲା। ଶେଷ ହେଲା ବର୍ଷର ସବୁଠୁ ବଡ଼ ବାହାଘର! ବାହା ହେଲେ ବିରାଟ କୋହଲି ଓ ଅନୁଷ୍କା ଶର୍ମା। ଦୁହେଁ ନିଜ ନିଜ ଟ୍ୱିଟର ଏକାଉଣ୍ଟରେ ବାହାଘରର ଫଟୋ ପୋଷ୍ଟ କରିଛନ୍ତି। ଜୀବନସାରା ପରସ୍ପରକୁ ଭଲ ପାଇବାକୁ ଆଜି  ସେମାନେ ପ୍ରତିଜ୍ଞା ନେଲେ ବୋଲି ଟ୍ୱିଟ୍‌ କରିଛନ୍ତି।

viratସୋମବାର ଇଟାଲୀରେ ସେମାନେ ବାହା ହୋଇଛନ୍ତି। ଇଟାଲୀର ଟସ୍‌କାନୀର ଏକ ରିସର୍ଟରେ ସେମାନଙ୍କ ବାହାଘର ଅନୁଷ୍ଠିତ ହୋଇଛି। ଏହି ରିସର୍ଟଟି ଯେଉଁ ସ୍ଥାନରେ ରହିଛି ତାହା ବିଶ୍ୱର ଦ୍ୱିତୀୟ ମହଙ୍ଗା ପର୍ଯ୍ୟଟନ ସ୍ଥଳୀ ଭାବେ ପରିଗଣିତ। ଏହି ରିସର୍ଟ ସାଧାରଣତଃ ଡିସେମ୍ବର ମାସରେ ବନ୍ଦ ରହେ। ତେବେ ଖାସ୍ ବିରାଟ ଓ ଅନୁଷ୍କାଙ୍କ ପାଇଁ ଏହାକୁ ଖୋଲା ଯାଇଥିଲା।

anukkବିରାଟ ଓ ଅନୁଷ୍କାଙ୍କ ବାହାଘର ନେଇ ସେମାନଙ୍କ ପରିବାର ଲୋକଙ୍କ ପକ୍ଷରୁ ମଧ୍ୟ ଏକ ବିବୃତି ଜାରି କରାଯାଇଛି। ଏଥିରେ କୁହାଯାଇଛି ଯେ ଆଜି ଇଟାଲୀରେ ବିରାଟ ଓ ଅନୁଷ୍କାଙ୍କ ବିବାହ ସଂପନ୍ନ ହୋଇଛି। ଏଥିରେ ଉଭୟଙ୍କ ପରିବାରର ସଦସ୍ୟଙ୍କ ବ୍ୟତୀତ କିଛି ଘନିଷ୍ଠ ବନ୍ଧୁ ଯୋଗ ଦେଇଥିଲେ। ପୂରା ହିନ୍ଦୁ ରୀତିନୀତିରେ ଏହି ବାହାଘର ହୋଇଛି। ପ୍ରସିଦ୍ଧ ଫ୍ୟାସନ୍ ଡିଜାଇନ୍‌ର  ସବ୍ୟସାଚୀ ମୁଖାର୍ଜୀ ଉଭୟଙ୍କ ବାହାଘର ଡ୍ରେସ୍ ଡିଜାଇନ୍ କରିଥିଲେ। ଏବେ ବିରାଟ ଓ ଅନୁଷ୍କା ରିସେପ୍‌ସନ୍‌ ପାଇଁ ବନ୍ଧୁମାନଙ୍କୁ ନିମନ୍ତ୍ରଣ କରିବେ।

ଡିସେମ୍ବର ୨୧ରେ ଦିଲ୍ଲୀରେ ରିସେପ୍‌ସନ୍‌ର ଆୟୋଜନ କରାଯାଇଛି। ଡିସେମ୍ବର ୨୬ରେ ମୁମ୍ବାଇରେ ଆଉ ଏକ ଭୋଜିର ଆୟୋଜନ କରିଛନ୍ତି ବିରାଟ ଓ ଅନୁଷ୍କା। ଏହା ପରେ ଉଭୟ ଦକ୍ଷିଣ ଆଫ୍ରିକା ଯିବେ। କୋହଲି ସେଠାରେ ଆଗାମୀ ସିରିଜ୍ ପାଇଁ ଅଭ୍ୟାସ କରିବେ। ଅନୁଷ୍କାର ସେଠାରେ ନୂଆ ବର୍ଷ ପାଳି ଜାନୁଆରୀ ପ୍ରଥମ ସପ୍ତାହରେ ଭାରତ ଫେରିଆସିବେ। ଆନନ୍ଦ ଏଲ୍‌ ରାୟଙ୍କ ପରବର୍ତ୍ତୀ ଫିଲ୍ମ ପାଇଁ ସେ ସୁଟିଂ ଆରମ୍ଭ କରିବେ। ଏଥିରେ ତାଙ୍କ ସହିତ ଶାହାରୁଖ ଖାନ ମଧ୍ୟ ଅଭିନୟ କରିବେ।

ଶୁଭେଚ୍ଛା ଜଣାଇଲେ ସଚିନ

ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଉଭୟ ବିରାଟ କୋହଲି ଓ ଅନୁଷ୍କା ଶର୍ମାଙ୍କୁ ବାହାଘରର ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି। ସେ ଟ୍ୱିଟ୍ କରି ସେମାନଙ୍କୁ ଶୁଭେଚ୍ଛା ଜଣାଇଛନ୍ତି।

ଭିଡିଓ ସୌଜନ୍ୟ- sportzwiki

Posted by Sportz Wiki on 11 डिसेंबर 2017

Previous ArticleNext Article

Send this to a friend