ଭିମସାର ନିର୍ଦ୍ଦେଶକଙ୍କ ଉପରକୁ ପଥର ମାଡ଼ ଘଟଣା: ପିଜି ଛାତ୍ରଙ୍କୁ ଗିରଫ କରିବା ଦାବିରେ ବୁର୍ଲା ବନ୍ଦ

ସମ୍ବଲପୁର:  ଭିମସାରର ନିର୍ଦ୍ଦେଶକଙ୍କ କ୍ୱାର୍ଟର୍ସ ଉପରେ ପଥର ମାଡ଼ ଘଟଣାକୁ ନେଇ ସ୍ଥିତି ଜଟିଳ ହେବାରେ ଲାଗିଛି। ଆକ୍ରମଣକାରୀଙ୍କୁ ତୁରନ୍ତ ଗିରଫ ଦାବିରେ ଆଜି ବୁର୍ଲାରେ ୧୨ ଘଣ୍ଟିଆ ବନ୍ଦ ପାଳନ ଚାଲିଛି। ଫଳରେ ସହରରେ ଗାଡି ଚଳାଚଳ ଓ ଦୋକାନ ବଜାର ବନ୍ଦ ରହିଛି। ଆନ୍ଦୋଳନକୁ ସ୍ଥାନୀୟ ଲୋକଙ୍କ ସହ ବ୍ୟବସାୟୀ ସଂଘ ଓ ବିଭିନ୍ନ ସାମାଜିକ ସଂଗଠନ ସମର୍ଥନ ଜଣାଇଛନ୍ତି।

ସ୍ଥାନୀୟ ଲୋକଙ୍କ ଆନ୍ଦୋଳନ ଡାକରାର ପ୍ରତିବାଦ କରି ଗତକାଲିଠାରୁ ପିଜି ଛାତ୍ରଛାତ୍ରୀ ଆନ୍ଦୋଳନ କରୁଛନ୍ତି। ପିଜି ଛାତ୍ରଙ୍କୁ ସମର୍ଥନ କରି ଆନ୍ଦୋଳନରେ ଏମ୍‌ବିବିଏସ୍‌ ଛାତ୍ର ବି ସାମିଲ ହୋଇଛନ୍ତି। ସେହିପରି ଭିମସାର ଛାତ୍ର ଆନ୍ଦୋଳନକୁ କଟକ ଏସସିବି ପିଜି ଛାତ୍ର, ହାଉସ ସର୍ଜନ ଓ ଏମବିବିଏସ୍ ଛାତ୍ରଛାତ୍ରୀ ସମର୍ଥନ କରିଛନ୍ତି। ଏମାନେ ଆଜି କଳାବ୍ୟାଜ ପିନ୍ଧି ପ୍ରତିବାଦ କରିବେ।

ନିର୍ଦ୍ଦେଶକଙ୍କ ଏତଲା ଆଧାରରେ ପୋଲିସ୍ ମାମଲା ରୁଜୁ କରି ତଦନ୍ତ ଜାରି ରଖିଛି। ତଦନ୍ତ ପୂର୍ବରୁ ପ୍ରମାଣ ନଷ୍ଟ କରିବା ପାଇଁ ଉଦ୍ୟମ ହୋଇଛି। କାଜୁଆଲିଟିରେ ଲାଗିଥିବା ସିସିଟିଭି ଫୁଟେଜରୁ ତଥ୍ୟକୁ ଉଡ଼ାଇ ଯାଇଥିବା ସୂଚନା ମିଳିଛି। ତେଣୁ ଉଡ଼ା ଯାଇଥିବା ତଥ୍ୟକୁ ପାଇବା ପାଇଁ ହାର୍ଡଡିସ୍କକୁ ଚଣ୍ଡୀଗଡ଼ ପଠାଯାଇଥିବା ସମ୍ବଲପୁର ଏସଡିପିଓ କହିଛନ୍ତି।

Previous ArticleNext Article

Send this to a friend