ଡମ୍ପରକୁ ପିଟିଲା ବସ୍‌; ଜଣେ ମୃତ, ୧୫ ଆହତ

busaccident

busaccidentସୋର: ବାଲେଶ୍ୱର ଜିଲ୍ଲା ସୋର ନିକଟସ୍ଥ ଖନ୍ତାପଡ଼ାଠାରେ ୫ ନମ୍ବର ଜାତୀୟ ରାଜପଥରେ ଗତକାଲି ରାତି ପ୍ରାୟ ଅଢ଼େଇଟା ବେଳେ ଏକ ପଥର ବୋଝେଇ ଡମ୍ପରକୁ ଏକ ଘରୋଇ ବସ୍‌ ପଛ ପଟୁ ଧକ୍କା ଦେବାରୁ ଜଣେ ଯାତ୍ରୀଙ୍କ ମୃତ୍ୟୁ ଘଟିଥିବା ବେଳେ ୧୫ ଜଣ ଆହତ ହୋଇଛନ୍ତି। ଆହତମାନଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି। ଅନ୍ୟମାନଙ୍କୁ ବାଲେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଛି।

ବସ୍‌ଟି ଭୁବନେଶ୍ୱରରୁ ବାରିପଦା ଅଭିମୁଖେ ଯାଉଥିଲା। ବସ୍‌ରେ ପ୍ରାୟ ୩୦ ଜଣ ଯାତ୍ରୀ ଥିଲେ।

ଖନ୍ତାପଡ଼ା ଥାନା ସବ୍‌ ଇନ୍ସପେକ୍ଟର କହିଛନ୍ତି,“ଦୁର୍ଘଟଣା ପରେ ଆମ୍ବୁଲାନ୍ସ ଯୋଗେ ଆହତମାନଙ୍କୁ ବାଲେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ବସ୍‌ର ଝରକା କାଚ ଭାଙ୍ଗି ଯାତ୍ରୀମାନଙ୍କୁ ଉଦ୍ଧାର କରାଯାଇଥିଲା। ଉଭୟ ବସ୍ ଓ ଡମ୍ପରକୁ ଜବତ କରାଯାଇଛି। ବସ୍‌ ଭିତରେ ଆହତମାନଙ୍କ ଜିନିଷପତ୍ର ସୁରକ୍ଷିତ ଅଛି।”

Previous ArticleNext Article

Send this to a friend