ବମିଖାଲ ଓଭରବ୍ରିଜ୍‌ ଭୁଶୁଡିବା ପଛର ରହସ୍ୟ କ’ଣ ?

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀର ବମିଖାଲଠାରେ ନିର୍ମାଣଧୀନ ବ୍ରିଜ୍‌ ଭୁଶୁଡି ଜଣଙ୍କର ମୃତ୍ୟୁ ଘଟିଥିବା ବେଳେ ୧୫ରୁ ଅଧିକ ଆହତ ହୋଇଛନ୍ତି। ଆହତଙ୍କ ମଧ୍ୟରେ ୪ ଜଣଙ୍କ ଅବସ୍ଥା ଗୁରୁତର ଅଛି। ସେମାନଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲ ଓ ପରେ ଏମ୍‌ସକୁ ସ୍ଥାନାନ୍ତର କରାଯାଇଛି। ଅନ୍ୟ ଆହତମାନଙ୍କୁ କ୍ୟାପିଟାଳ ହସ୍ପିଟାଲରେ ଚିକିତ୍ସା କରାଯାଉଛି। ତେବେ ଏପରି ଘଟଣାକୁ ନେଇ ଏବେ ପ୍ରଶ୍ନ ଉଠିବାରେ ଲାଗିଛି। ଠିକାଦାର ଓ ବିଭାଗୀୟ ଅଧିକାରୀଙ୍କ କାର୍ଯ୍ୟଶୈଳୀକୁ ନେଇ ଲୋକେ ଉଠାଇଛନ୍ତି ପ୍ରଶ୍ନ। ବିନା କୌଣସି ସୁରକ୍ଷା ବ୍ୟବସ୍ଥାରେ ଏହି ଓଭରବ୍ରିଜ୍‌ କାମ କରାଯାଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ଦୁର୍ଘଟଣା ପରେ ସରକାର ଘଟଣାର ତଦନ୍ତ ନିର୍ଦ୍ଦେଶ ଦେବା ସହ ୨ ଜଣ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେଇଛନ୍ତି। ହେଲେ ଏଠାରେ ଯେଉଁ ଢଙ୍ଗରେ କାମ ଚାଲିଥିଲା ତାକୁ ନେଇ ପ୍ରଶ୍ନ ଉଠାଇଛି। ଏପରି ପ୍ରଶ୍ନ ଉଠାଇଛି ରାଜ୍ୟ କଣ୍ଟ୍ରାକ୍ଟର ମହାସଂଘ।

ସୁରକ୍ଷା ବ୍ୟବସ୍ଥା କେମିତି ଥିଲା

ଘଟଣା ଅନୁସାରେ ୨୦୧୨ ମସିହାରେ ଆରମ୍ଭ ହୋଇଥିଲା ବମିଖାଲ ଓଭର ବ୍ରିଜ୍ ନିର୍ମାଣ। ଟେଣ୍ଡର ନେଇ ଥିବା ସଂସ୍ଥା ପଣ୍ଡା ଇନଫ୍ରା ୨୦୧୪ରେ ବ୍ରିଜ୍ କାମ ସାରିବା କଥା। ତେବେ ଅତି କଚ୍ଛପ ଗତି ଚାଲିଥିଲା କାମ। ମଝିର ହଠାତ୍ ବନ୍ଦ ବି ହୋଇଗଲା। ଅନେକ ଦିନ ଧରି କାମ ବନ୍ଦ ରହିବା ପରେ ପୁଣି ଆରମ୍ଭ ହୋଇଥିଲା। ମାତ୍ର ଏଇ କିଛି ଦିନ ହେବ ହଠାତ୍ ତତ୍ପରତା ଦେଖିବାକୁ ମିଳିଥିଲା। ଆସନ୍ତା ଡିସେମ୍ବର ମାସ ସୁଦ୍ଧା ବ୍ରିଜ୍ ସଂପୂର୍ଣ୍ଣ କରିବାକୁ ରିଭାଇଜଡ ଟାର୍ଗେଟ୍ ଦିଆଯାଇଥିବାରୁ ଠିକା ସଂସ୍ଥା ଅତି ତରବରିଆ ଭାବେ କାମ ଚଳାଇଥିଲା। ଠିକ୍‌ରେ ସେଣ୍ଟ୍ରିଂ କରାଯାଇ ନ ଥିବାରୁ ଏହା କଂକ୍ରିଟ୍‌ ବୋଝ ସମ୍ଭାଳି ପାରି ନଥିବା କୁହାଯାଉଛି।

ସ୍ଥାନୀୟ ଲୋକେ କହିଛନ୍ତି କାମ କରାଯିବା ବେଳେ ସମ୍ପୂର୍ଣ୍ଣ ଅବହେଳା କରାଯାଇଛି। ଏଥିପାଇଁ ଯେଉଁ ସତର୍କତା ଗ୍ରହଣ କରାଯିବା କଥା ତାହା ହୋଇ ନଥିଲା। ଯେଉଁ ଅଂଶରେ କାମ ହେଉଥିଲା ତାକୁ ମଧ୍ୟ ଘେରା ଯାଉ ନଥିଲା।

ଅନ୍ୟପକ୍ଷରେ ବିଭିନ୍ନ କାରଣରୁ ନେଇ ବ୍ରିଜ୍ କାମ ସରିବାରେ ବିଳମ୍ବ ହୋଇଥିବା ପୂର୍ତ୍ତ ସଚିବ ନଳିନୀକାନ୍ତ ପ୍ରଧାନ ସ୍ୱୀକାର କରିଛନ୍ତି। ସେ କହିଛନ୍ତି- “ସରକାର ବ୍ରିଜ୍ ଭୁଶୁଡିବା ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି। ଆସନ୍ତକାଲିଠୁ ଏକ ଉଚ୍ଚସ୍ତରୀୟ କମିଟି ଏହାର ତଦନ୍ତ କରିବ। ସରକାର ପୂର୍ତ୍ତ ବିଭାଗର ଦୁଇଜଣ ଯନ୍ତ୍ରୀଙ୍କୁ ନିଲମ୍ବନ କରିଛନ୍ତି।

ଅନ୍ୟପକ୍ଷରେ ଏଠାରେ ଚାଲିଥିବା କାମର ଗୁଣବତ୍ତାକୁ ନେଇ ରାଜ୍ୟ କଣ୍ଟ୍ରାକ୍ଟର ମହାସଂଘ ପ୍ରଶ୍ନ ଉଠାଇଛି। ଅଘଟଣ ପାଇଁ ମହାସଂଘ ସିଧାସଳଖ ପୂର୍ତ୍ତ ସଚିବଙ୍କ ଆଡକୁ ଅଙ୍ଗୁଳି ନିର୍ଦ୍ଦେଶ କରିଛି।

Previous ArticleNext Article

Send this to a friend