ବାଣ ଫୁଟିଲେ, ମନେପଡ଼େ ସେହି ଛାତିଥରା ଘଟଣା

ଆଜିକୁ ଠିକ୍ 6 ବର୍ଷ ତଳେ ଘଟିଥିଲା ଏକ ବଡ଼ ଅଘଟଣ । 2017 ମସିହା ଦୀପାବଳିର ଠିକ୍‌ ପୂର୍ବଦିନର ଅପରାହ୍ନରେ ପ୍ରାୟ ସାଢେ ତିନିଟାରୁ ଚାରିଟା ମଧ୍ୟରେ ବାଲେଶ୍ୱର ଜିଲ୍ଲା ସଦର ବ୍ଲକର ବାହାବଳପୁରରେ ଘଟିଥିଲା ଏକ ବଡ ଧରଣର ବାଣ ବିସ୍ପୋରଣ । ଯାହା ସମସ୍ତଙ୍କ ପାଇଁ ଆଜିବି ଅଭୁଲା ।2017 ମସିହା ଦୀପାବଳି ଠିକ୍ ପୂର୍ବଦିନ ବାଣ ତିଆରି ସହ ବିକ୍ରିବେଳେ ଗୋଲକ ପ୍ରଧାନଙ୍କ ଘରେ ଘଟିଥିଲା ଭୟଙ୍କର ବିସ୍ଫୋରଣ । ନିମିଷକ ମଧ୍ୟରେ ଛାରଖାର ହୋଇଗଲା ସବୁକିଛି । ଚାହୁଁ ଚାହୁଁ ଚାଲିଗଲା 11 ଜଣଙ୍କ ଜୀବନ । 11 ଜଣଙ୍କ ମଧ୍ୟରେ ଥିଲେ ଗୋଲକଙ୍କ 3 ପୁଅଙ୍କ ସମେତ 2 ନାତିନାତୁଣୀ ଓ ବାଣ କିଣିବାକୁ ଆସିଥିବା 6 ଗ୍ରାହକ । ହେଲେ ଅଳ୍ପକେ ବର୍ତ୍ତିଯାଇଥିଲେ ଗୋଲକ ଓ ତାଙ୍କ ପତ୍ନୀ ।