ପୂଜାର୍ଚ୍ଚନା ବେଳେ ବଜ୍ରପାତ ହେଲେ। ଆଉ ଗଛ ମୂଳରେ ବସିଥିବା ୧୨ରୁ ଅଧିକ ଲୋକ ଆହତ ହୋଇଛି। ୪ ଜଣଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି। ଆଜି ସନ୍ଧ୍ୟା ବେଳେ ଏପରି ଘଟଣା ବରଗଡ଼ ଜିଲ୍ଲା ବରପାଲି ବ୍ଲକ ଅଞ୍ଚଳରେ ଘଟିଛି।
Also Read
ଆଜି ସନ୍ଧ୍ୟା ବେଳେ ବରପାଲି ବ୍ଲକ ମୁନୁପାଲି ଗାଁର ମୁନୁବନ୍ଧ ଆଡି ଉପରେ କୃଷି ଭିତ୍ତିକ ଉତ୍ସବ ପାଳିତ ହେଉଥିଲା। ଦେବୀ ପୂଜକ ଝାଙ୍କର ପୂଜାର୍ଚ୍ଚନା କରୁଥିବା ବେଳେ ଅଚାନକ ପବନ ବୋହିବା ସହିତ ବର୍ଷା ମାରିଥିଲା। ସମସ୍ତେ ଏକ ଗଛ ମୂଳକୁ ଚାଲି ଯାଇଥିଲେ। ଠିକ୍ ସେହି ସମୟର ବଜ୍ରାପାତ ହୋଇଥିଲା। ଏଥିରେ ୧୨ରୁ ଅଧିକ ଲୋକ ଆହତ ହୋଇଥିଲେ। କୃଷ୍ଣଚନ୍ଦ୍ର ଶିକା, ବିଜୟ ସିଦ୍ଧାର,ସୁଧାଂଶୁ ସିକା ଓ ଅନିଲ କୁମ୍ଭାରଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ବରପାଲି ଡାକ୍ତରଖାନା ଭର୍ତ୍ତି କରାଯାଇଛି।
ସୂଚନାରୁ ପ୍ରକାଶ, ଆଜି ବଜ୍ରପାତରେ ସମଗ୍ର ରାଜ୍ୟରେ ୧୦ରୁ ଅଧିକ ଲୋକଙ୍କ ମୃତ୍ୟୁ ଘଟିଥିବା ବେଳେ ଅନେକ ଲୋକ ଗୁରୁତର ଆହତ ହୋଇଛନ୍ତି। ମୃତକଙ୍କ ଭିତରେ ଅନେକ ଚାଷୀ ଅଛନ୍ତି।
ରିପୋର୍ଟ- ବରଗଡ଼ରୁ ଧର୍ମଦତ୍ତ ପାଢ଼ୀ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
