ରେଢ଼ାଖୋଲ ସହରର ଉଦ୍ୟାନ ବିଭାଗ ଅଫିସରେ ସାମ୍ନାରେ ଘଟିଛି ଭୟଙ୍କର ସଡ଼କ ଦୁର୍ଘଟଣା। ଘରକୁ ଫେରୁଥିବା ବେଳେ ଅଧା ବାଟରେ ଚାଲି ଯାଇଛି ଦୁଇ ଜଣଙ୍କ ଜୀବନ। ୫୫ ନମ୍ବର ଜାତୀୟ ରାଜପଥରେ ଗୋଟିଏ ତେଲ ବୋଝେଇ ଟ୍ରକ ବୁଲେଟରେ ଯାଉଥିବା ଦୁଇ ଜଣଙ୍କୁ ଧକ୍କା ଦେଇଛି।
ଫଳରେ ଘଟଣାସ୍ଥଳରେ ଦୁଇ ଜଣଙ୍କ ଜୀବନ ଚାଲି ଯାଇଛି। ଦୁର୍ଘଟଣା ଏତେ ଭୟଙ୍କର ଥିଲା ଯେ ବୁଲେଟଟି ରାସ୍ତାରୁ ଛିଟିକି ପଡ଼ି ନିକଟସ୍ଥ ବୁଦା ଭିତରେ ପଡ଼ିଥିଲା। ସେହିପରି ବୁଲେଟ ଚଳାଉଥିବା ଯୁବକଙ୍କ ଗୋଡ଼ର କିଛି ଅଂଶ ପୂରା ଛିଣ୍ଡି ଅଲଗା ହୋଇ ଯାଇଛି।
Also Read
ଦୁର୍ଘଟଣାରେ ପ୍ରାଣ ହରାଇଥିବା ଦୁଇ ଜଣ ହେଲେ ରେଢ଼ାଖୋଲ ସହରର ରଥସାହିରେ ରହୁଥିବା ଶ୍ୟାମସୁନ୍ଦର ଭିତିରିଆ ଓ ବସଷ୍ଟାଣ୍ଡ ଅଞ୍ଚଳର ଶୁଭେନ୍ଦୁ ସାହୁ। ଏମାନେ ସାଙ୍ଗ ହୋଇ ଘରୁ ଫେରୁଥିବା ବେଳେ ଅଧା ବାଟରେ ପ୍ରାଣ ହରାଇଛନ୍ତି।
ଦୁର୍ଘଟଣା ପରେ ଟ୍ରକ ଚାଳକ ଫେରାର ହୋଇ ଯାଇଛନ୍ତି। ତେବେ ସ୍ଥାନୀୟ ଲୋକ ଏଠାରେ ବାରମ୍ବାର ଦୁର୍ଘଟଣା ଘଟୁଥିବାରୁ ଏହା ବିରୋଧରେ ରାସ୍ତା ରୋକ ମଧ୍ୟ କରିଥିଲେ। ଫଳରେ ରାସ୍ତାର ଉଭୟ ପାର୍ଶ୍ୱରେ ଶହଶହ ଗାଡ଼ି ଅଟକି ରହିଥିଲା।
ଖବର ପାଇ ପ୍ରଥମେ ପୁଲିସ୍ ଘଟଣା ସ୍ଥଳରେ ପହଞ୍ଚିଥିଲା। ତଥାପି ଲୋକମାନେ ରାସ୍ତା ରୋକରୁ ହଟି ନଥିଲେ। ଏହାପରେ ରେଢ଼ାଖୋଲ ବିଧାୟକ ରୋହିତ ପୂଜାରୀ ଓ ରେଢ଼ାଖୋଲ ଏସଡିପିଓ ଘଟଣାସ୍ଥଳରେ ପହଞ୍ଚିଥିଲେ। ଦୀର୍ଘ ସମୟରେ ବୁଝାସୁଝା ପରେ ଲୋକମାନେ ରାସ୍ତା ରୋକରୁ ହଟିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
