ଗାଁରେ ବୁଲୁଛି ବାରହା । ଲୋକଙ୍କୁ ଦେଖିଲେ ଗୋଡ଼ାଇ ଗୋଡ଼ାଇ ଲହୁଲୁହାଣ କରୁଛି। ବାରହା ଆକ୍ରମଣରେ ୨ ଜଣ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି। ଏପରି ଏକ ଘଟଣା ଢେଙ୍କାନାଳ ଷଡଙ୍ଗୀ ରେଞ୍ଜ ଅଧୀନରେ ଦେଖିବାକୁ ମିଳିଛି।
ଢେଙ୍କାନାଳ ଷଡଙ୍ଗୀ ରେଞ୍ଜ ଅନ୍ତର୍ଗତ ଖଣ୍ଡିଆବନ୍ଧ,ତିଳପଦା ଓ ଆଖପାଖ ଅଞ୍ଚଳରେ ଏକ କ୍ଷତାକ୍ତ ବାରହା ବୁଲୁଛି। ବର୍ତ୍ତମାନ ସୁଦ୍ଧା ବାରହାଟି ଦୁଇଜଣଙ୍କୁ ଆକ୍ରମଣ କରି ଲହୁଲୁହାଣ କରି ସାରିଲାଣି। ସେମାନେ ହେଲେ ଖଣ୍ଡିଆବନ୍ଧ ଗାଁର ପ୍ରଶାନ୍ତ ରାଉତ ଓ ତିଳପଦା ଗାଁର କୌଶଲ୍ୟା ନାଏକ । ଉଭୟଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି।
Also Read
ଖବର ପାଇ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ ବି ବାରହାକୁ କାବୁ କରିବାରେ ବିଫଳ ହୋଇଛନ୍ତି। ତେଣୁ ସତର୍କତା ସ୍ୱରୂପ ଡାକବାଜି ଯନ୍ତ୍ର ମାଧ୍ୟମରେ ଲୋକଙ୍କୁ ସକାଳ ଓ ସନ୍ଧ୍ୟା ପରେ ଘରୁ ନ ବାହାରିବା ପାଇଁ ସଚେତନ କରାଉଛି ବନବିଭାଗ। ଏହି ଘଟଣାପରେ ସମଗ୍ର ଅଞ୍ଚଳରେ କୋକୁଆ ଭୟ ଖେଳି ଯାଇଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
