ଏକ ଯାତ୍ରୀବାହୀ ବସ୍ ଓ ଆମ୍ବୁଲାନ୍ସ ମଧ୍ୟରେ ମୁହାଁମୁହିଁ ଧକ୍କା ହେବାରୁ ୨୪ ଜଣ ଆହତ ହୋଇଛନ୍ତି। ଭଦ୍ରକର ଅରଞ୍ଜି ଛକ ନିକଟରେ ଏହି ଦୁର୍ଘଟଣା ଘଟିଛି।
ଆଜି ଅପରାହ୍ନ ପ୍ରାୟ ୨ଟା ବେଳେ ବସ୍ଟି ଭଦ୍ରକରୁ ଆଗରପଡ଼ା ଯାଉଥିବା ବେଳେ ଆମ୍ବୁଲାନ୍ସଟି ଜଣେ ଗର୍ଭବତୀଙ୍କୁ ନେଇ ଆଗରପଡ଼ାରୁ ଭଦ୍ରକ ଅଭିମୁଖେ ଆସୁଥିଲା। ଅରଞ୍ଜି ଛକ ନିକଟରେ ବସ୍ ଓ ଆମ୍ବୁଲାନ୍ସ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା।
ଆମ୍ବୁଲାନ୍ସଟି ରାସ୍ତା ତଳକୁ ଖସି ପଡ଼ିଥିବା ବେଳେ ବସ୍ଟି ମଧ୍ୟ ଓଲଟି ପଡ଼ିଥିଲା। ବସ୍ର ୨୩ ଜଣ ଯାତ୍ରୀ ଆହତ ହୋଇଥିବା ବେଳେ ଆମ୍ବୁଲାନ୍ସ ଡ୍ରାଇଭର ଆହତ ହୋଇଛନ୍ତି। ଆମ୍ବୁଲାନ୍ସ ଡ୍ରାଇଭରଙ୍କ ଅବସ୍ଥା ଗୁରୁତର ରହିଛି।
ଆହତମାନଙ୍କୁ ଭଦ୍ରକ ଓ ବରପଦା ଡାକ୍ତରଖାନାରେ ଭର୍ତ୍ତି କରାଯାଇଛି।