ଚିଙ୍ଗୁଡ଼ି ଘେରି ଭିତରକୁ ପଶି ଓଲଟିଲା କାର୍

ଚିଙ୍ଗୁଡ଼ି ଘେରି ଭିତରକୁ ପଶି ଓଲଟିଲା କାର୍। ଏତେ ବଡ଼ ଦୁର୍ଘଟଣାରୁ ବର୍ତ୍ତିଗଲେ ୫ ପର୍ଯ୍ୟଟକ। ଦୁର୍ଘଟଣାରେ ୫ ଜଣ ପର୍ଯ୍ୟଟକ ସାମାନ୍ୟ ଆହତ ହୋଇଛନ୍ତି। ପୁରୀ ଜିଲ୍ଲା ଅସ୍ତରଙ୍ଗ ଜାହାନିଆ ନିକଟରେ ଏହି ଦୁର୍ଘଟଣା ଘଟିଛି।

ଆଜି ସକାଳେ ୫ ଜଣ ପର୍ଯ୍ୟଟକ ଖୋର୍ଦ୍ଧାରୁ ପୀର ଜାହାନିଆ ବୁଲିବାକୁ ଆସିଥିଲେ। ଜାହାନିଆ ନିକଟରେ କାର୍‌ଟି ଭାରସାମ୍ୟ ହରାଇ  ଚିଙ୍ଗୁଡ଼ି ଘେରି ଭିତରକୁ ପଶିଯାଇଥିଲା। ପରେ ଓଲଟି ପଡ଼ିଥିଲା। ସେଠାରେ ଉପସ୍ଥିତ ଥିବା ସ୍ଥାନୀୟ ଲୋକେ ପର୍ଯ୍ୟଟକଙ୍କୁ ଉଦ୍ଧାର କରିଥିଲେ। ପୁଲିସ କାର୍‌କୁ ଜବତ କରି ଘଟଣାର ତଦନ୍ତ କରୁଛି।